1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

کویت کے امیر نے پارلیمان تحلیل کر دی

کویتی امیر شیخ صباح الاحمد الصباح نے ایک حکم نامے کے ذریعے ملکی پارلیمان کو تحلیل کر دیا ہے۔ یہ بات کویتی نیوز ایجنسی کی طرف سے بتائی گئی ہے۔

یہ پیشرفت کویتی پارلیمان کے اسپیکر کے اس بیان کے 24 گھنٹے سے بھی کم وقت کے بعد سامنے آئی ہے جس میں انہوں نے ملک میں قبل از وقت انتخابات کا عندیہ دیا تھا۔ اس کی وجہ انہوں نے ملک کو درپیش سلامتی اور اقتصادی چیلنجز کو قرار دیا تھا۔

خبر رساں ادارے اے ایف پی کے مطابق کویت کے تحت یہ لازمی ہے کہ پارلیمان کی تحلیل کے بعد دو ماہ کے اندر اندر انتخابات کرائے جائیں۔

قبل ازیں خلیجی ریاست کویت کی پارلیمنٹ کے اسپیکر مرزُوک الغنیم نے کہا تھا کہ ریاستی سکیورٹی و مالیاتی مسائل اگر برقرار رہے تو قبل از وقت پارلیمانی انتخابات کرائے جا سکتے ہیں۔

Kuwait Parlamentssitzung (picture-alliance/dpa)

کویت کی پارلیمنٹ اپنی چار سالہ مدت مکمل کرنے سے قبل تحلیل ہو گئی

غنیم نے یہ ریمارکس پارلیمان میں بحث کے لیے داخل کرائی جانے والی اُن تین درخواستوں پر دیے جو ریاست میں پٹرول کی قیمت میں اضافے اور دوسری مالی و انتظامی بےضابطگیوں کے حوالے سے جمع کرائی گئیں۔

کویتی پارلیمان منگل 18 اکتوبر کو اپنی چار سالہ مدت کے تین سال مکمل کرنے والی تھی۔ غنیم نے ایک ٹیلی وژن انٹرویو میں کہا تھا کہ اگر حکومت عام لوگوں کے مسائل حکومت حل نہیں کر سکتی تو رائے شماری ہی آخری حل ہے۔