1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

کوہستان میں برفانی تودے گرنے سے سو سے زائد انسان ہلاک

پاکستان کے دور دراز شمالی ضلع کوہستان میں شدید برفباری اور تودے گرنے سے صورتحال اب بھی تشویشناک حد تک خراب ہے جبکہ امدادی کارروائیاں سست روی کا شکاری دکھائی دیتی ہیں۔

default

پاکستان کے شمال مغربی صوبے سرحد کے ضلع کوہستان میں برفانی تودے گرنے سے ایک سو سے زائد انسان لقمہ اجل بن چکے ہیں۔ اس علاقے میں شدید برفباری کے بعد برفانی تودوں کے گرنے کا سلسلہ گزشتہ چند روز سے جاری تھا۔ مقامی ذرائع کے مطابق پندرہ فٹ برف تلے دبے درجنوں انسانوں کو تین دن کے بعد بھی نہیں نکالا جا سکا ہے۔

کوہستان کی مقامی انتظامیہ کےاعلیٰ عہدیداروں نے برفانی تودے گرنے کے بعد وہاں کی موجودہ صورتحال کو تشویش ناک قرار دیا ہے۔ اب تک ہونے والی ہلاکتوں کی اعداد و شمار کی تصدیق ہو چکی ہے۔ سرکاری فہرست کے مطابق اس المئے میں ایک سو دو افراد کی اموات واقع ہو چکی ہیں۔ متاثرہ علاقے میں امدادی کارروائیاں جاری ہیں تاہم موسم کی خرابی اور اس علاقے میں ہونے والی بہت زیادہ برفباری کے سبب ’ریسکیو‘ سرگرمیوں میں گوناگوں مشکلات درپیش ہیں۔

رپورٹ : کشور مصطفیٰ

ادارت : شادی خان سیف

DW.COM