1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

کولکتہ ٹیسٹ: بھارت کی پوزیشن قدرے بہتر

بھارت اور جنوبی افریقہ کے درمیان کولکتہ میں جاری دوسرا ٹیسٹ میچ دلچسپ مرحلے میں داخل ہوگیا ہے۔ دوسرے دن کے کھیل کے اختتام تک بھارت نے مہمان ٹیم پر چھیالیس رنز کی سبقت حاصل کر لی ہے اور اس کی پانچ وکٹیں اب بھی باقی ہیں۔

default

سہواگ نے اپنے کیریئر کی 19ویں سنچری مکمل کی

Sachin Tendulkar

سچن نے مسلسل چوتھے ٹیسٹ میں سنچری بناکر اپنے کیریئر کی47 ویں ٹیسٹ سنچری مکمل کی

کولکتہ کے ایڈن گارڈنز میں انڈیا کی جانب سے وریندر سہواگ اور سچن تندولکر نے سنچریاں سکور کرکے شراکت میں اپنی ٹیم کے لئے 249 رنز بنائے۔ سہواگ 165 جبکہ سچن تندولکر 106 رنز بناکر آوٴٹ ہوگئے۔ سہواگ نے ناگپور ٹیسٹ میچ میں بھی سنچری بنائی تھی اور ایڈن گارڈنز میں سنچری سکور کر کے وہ ٹیسٹ میچوں میں اپنی مجموعی سنچریوں کی تعداد انیس تک پہنچانے میں کامیاب ہوئے۔ دوسری جانب سچن نے مسلسل چوتھے ٹیسٹ میں سنچری بناکر اپنے کیریئر کی47 ویں ٹیسٹ سنچری مکمل کی۔ جنوبی افریقہ کی طرف سے ڈیل سٹین، مورنی مورکل، ڈومینی اور ہیرس نے ایک ایک وکٹ حاصل کی۔

کولکتہ ٹیسٹ کے دوسرے دن کے کھیل کے اختتام تک بھارت نے پانچ وکٹوں کے نقصان پر 342 رنز بنا کر جنوبی افریقہ پر فی الحال چھیالیس رنز کی سبقت حاصل کر لی ہے۔ اس سے قبل ہاشم آملا اور آلویرو پیٹرسن کی سنچریوں کے باوجود جنوبی افریقی ٹیم اپنی پہلی اننگز میں296 پر آل آوٴٹ ہوگئی تھی۔ ہاشم آملا نے دو میچوں کی ٹیسٹ سیریز کے پہلے میچ میں ڈبل سنچری بنائی تھی۔ بھارتی فاسٹ بولر ظہیر خان نے چار جبکہ آف سپنر ہر بھجن سنگھ نے تین وکٹیں حاصل کیں۔

Südafrika Sport Cricket Dale Steyn

ڈیل سٹین نے ناگپور ٹسیٹ میں دس وکٹیں حاصل کیں

جنوبی افریقہ کے وکٹ کیپر بیٹسمین مارک باوٴچر زخمی ہونے کے باعث کولکتہ ٹیسٹ میچ میں شرکت نہیں کر سکے جبکہ کپتان گریم سمتھ نے انگلی میں شدید چوٹ کے باوجود کھیلنے کا فیصلہ کیا۔ جنوبی افریقی ٹیم اچھے آغاز کے باوجود کولکتہ ٹیسٹ میں بڑا سکور کھڑا کرنے میں ناکام رہی۔ ایک موقع پر 217 کے سکور پر جنوبی افریقی ٹیم کا محض ایک کھلاڑی آوٴٹ تھا، لیکن پھر تسلسل کے ساتھ وکٹیں گرتی چلی گئیں۔ ایشویل پرنس اور جے پی ڈومینی ایک بار پھر ناکام ہوئے۔

مہمان ساوٴتھ نے ناگپور میں کھیلے گئے سیریز کے پہلے میچ میں میزبان بھارت کو ایک اننگز اور چھ رنز سے عبرتناک شکست دے کر دو ٹیسٹ میچوں پر مشتمل اس سیریز میں ناقابل شکست برتری حاصل کر رکھی ہے۔ سیریز جیتنے کی صورت میں جنوبی افریقہ عالمی کرکٹ کونسل ’آئی سی سی‘ کی درجہء بندی میں پہلے پھر سے نمبر پر آ جائے گا۔

رپورٹ: گوہر نذیر گیلانی/ایجنسیز

ادارت: امجد علی