1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

کولکتہ وَن ڈے: سری لنکا کو سات وکٹوں سے شکست

بھارت نے کولکتہ میں کھیلے جانے والے چوتھے ایک روزہ میچ میں سری لنکا کو سات وکٹوں سے شکست دے دی ہے۔ اِس میچ کی خاص بات گوتم گمبھیر اور وِیرات کوہلی کی سینچریاں تھیں۔

default

جہاں اپنے وَن ڈے کیریئر کی پہلی سینچری بناتے ہوئے اکیس سالہ کوہلی نے ایک چھکے اور گیارہ چوکوں کی مدد سے 107 رنز اسکور کئے، وہاں گمبھیر نے کسی وَن ڈے میچ میں اپنی ساتویں سینچری بنائی۔ گمبھیر چودہ چوکوں کی مدد سے 150 رنز بنا کر ناٹ آؤٹ رہے۔

اِس ڈے اینڈ نائٹ میچ میں سری لنکا نے ٹاس جیت کر پہلے بیٹنگ کرنے کا فیصلہ کیا اور چھ وکٹوں کے نقصان پر 315 رنز بنائے، جن میں تھارانگا کے 118 رنز بھی شامل تھے۔ وہ ظہیر کے ہاتھوں بولڈ ہوئے۔

Cricket Upul Tharanga

دونوں ٹیموں کے مابین پانچواں اور آخری ایک روزہ میچ اتوار کو نئی دہلی میں کھیلا جائے گا

جواب میں بھارت اپنی اننگز کے آغاز پر ہی اپنے دونوں اوپنرز سے محروم ہو گیا۔ سری لنکا کے بالر سورنگا لکمل نے ویریندر سہواگ (10 رنز) اور سچن تندولکر (8 رنز)کو دیکھتے ہی دیکھتے پیولین میں واپس بھیج دیا۔ دو وکٹوں کے نقصان پر بھارت کا اسکور 23 رنز تھا۔

سینچریاں اسکور کرنے والے دونوں کھلاڑیوں نے تیسری وکٹ کی شراکت میں سری لنکا کے خلاف وَن ڈے میچوں میں 224 رنز بنا کر ایک نیا ریکارڈ قائم کیا۔ اِس سے پہلے یہ ریکارڈ 221 ر نز کا تھا، جو ویریندر سہواگ ا ور یووراج سنگھ نے اِسی سال فروری میں کولمبو میں قائم کیا تھا۔

ابھی مقررہ پچاس اوورز کی گیارہ گیندیں باقی تھیں کہ بھارت نے تین وکٹوں کے نقصان پر 317 رنز بناتے ہوئے یہ میچ جیت لیا۔ اِس طرح بھارت کو اِس وَن ڈے سیریز میں تین ایک کی ناقابلِ عبور برتری حاصل ہو گئی ہے۔

رپورٹ: امجد علی

ادارت: ندیم گِل

DW.COM