1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

کولمبو ٹیسٹ، سری لنکا پھر آگے

کولمبو ٹیسٹ کے دوسرے دن کے اختتام تک میزبان ٹیم کے اسکور 642 کے جواب میں بھارتی کرکٹ ٹیم نے 95 رنز بنا لئے ہیں جبکہ اس کا کوئی کھلاڑی آؤٹ نہیں ہوا ہے۔ اوپنر بلے باز سہواگ 64 جبکہ مرلی وجے22 رنز بنا کر ناٹ آؤٹ ہیں۔

default

سری لنکا کے کپتان کمارا سنگاکارا

سری لنکا کو بھارتی ٹیم پر اس وقت 547 رنز کی برتری حاصل ہے۔ منگل کے روز جب سری لنکا نے 313 رنز دو کھلاڑی آؤٹ پر دوسرے دن کے کھیل کا آغاز کیا تو کپتان سنگاکارا اورمہیلا جے وردنے نے بھارتی بولروں کو قدم جمانے نہ دئے۔ سنگا کارا نے انتیس چوکوں کی مدد سے 219بنائے، ٹیسٹ میچوں میں یہ ان کی ساتویں ڈبل سنچری تھی۔

Mahela Jayawardene

مہیلا جے وردنے

لنچ کے فورا بعد ہی وہ سہواگ کی گیند پر راہول ڈریوڈ کے ہاتھوں سلپ میں کیچ آؤٹ ہو گئے۔ دوسری طرف جے وردنے نے ایک چھکے اور بیس چوکوں کے ساتھ ایک سو 74 رنز اسکور کئے، ٹیسٹ میچوں میں یہ ان 28 ویں سنچری تھی۔ جب وہ آؤٹ ہوئے تو سمراویرا نے 76 رنز بنائے تھےاور وہ آؤٹ نہیں ہوئے تھے تاہم وردنے کے آؤٹ ہونے کے ساتھ ہی سری لنکا نے اپنی پہلی اننگز چھ سو بیالیس رنز چار کھلاڑی آؤٹ پر ڈکلئیر کردی۔ اس ٹیسٹ میچ کے دوران سری لنکا کے اوپنر پرانوینتا نے بھی سینچری اسکور کی۔

بھارت کی طرف سے ہربھجن سنگھ، وریندر سہواگ ، اشانت شرما اور پی پی اوجھا نے ایک ایک وکٹ حاصل کی۔

Tharanga Paranavitana

سری لنکا کے اوپنر پرانوینتا

بھارت نے ایک بڑے اسکور کے تعاقب میں ابھی تک اچھی کارکردگی کا مظاہرہ کیا ہے۔ سری لنکا کے معروف آف سپنر مرلی دھرن کے ریٹائر اور فاسٹ بولر ملنگا کے زخمی ہونے کے باعث اس ٹیسٹ میچ میں سری لنکا کا بولنگ اٹیک کمزور سمھجا جا رہا ہے۔ ناقدین کے مطابق اس صورتحال سے فائدہ اٹھاتے ہوئے بھارتی بلے باز بھی اس ٹیسٹ میچ میں ایک بڑا اسکور کر سکتے ہیں۔

سری لنکا میں جاری تین ٹیسٹ میچوں کی سیریز میں میزبان ٹیم کو ابھی تک ایک صفر سے برتری حاصل ہے۔

رپورٹ: عاطف بلوچ

ادارت: عدنان اسحاق

DW.COM