1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

کوارٹر فائنل کی دوڑ: اٹلی‘ فرانس یا رومانیہ؟

یورو کپ دو ہزار آٹھ کے مقابلے ہر گُزرتے دن کے ساتھ دلچسپ ہوتے جارہے ہیں۔ ابھی تک پرتگال‘ ہالینڈ‘ جرمنی‘ ترکی‘ کروشیا اور سپین کی ٹیمیں کوارٹر فائنل مرحلے میں داخل ہوچکی ہیں۔

default

کون بنے گا چیمپئن؟

گروپ اے میں چیک جمہوریہ کی ٹیم کے خلاف ترکی کی حیران کن فتح نے کوارٹر فائنل میں اس ٹیم کی جگہ پکی کرلی جبکہ منگل کے روز گروپ بی میں جرمنی نے آسٹریا کو ایک۔صفر سے شکست دے کر کوارٹر فائنل تک رسائی حاصل کرلی۔

EURO 2008 Italien - Rumänien Gruppe C EM Euro08

اٹلی کے مشہور فٹبال کھلاڑی لوکا ٹونی رومانیہ کے خلاف ایکشن میں

آج گروپ سی میں اٹلی اور فرانس کا میچ انتہائی اہمیت کا حامل ہے۔ گروپ سی میں آج ہی ہالینڈ کا مقابلہ رومانیہ سے ہورہا ہے۔ اٹلی‘ فرانس اور رومانیہ میں سے کوئی ایک ٹیم کوارٹر فائنل تک رسائی حاصل کرسکتی ہے۔ اس گروپ سے ہالینڈ نے کوارٹر فائنل مرحلے میں پہلے ہی اپنی جگہ بنالی ہے۔

Thierry Henry

فُٹبال سٹار ہینری

اگر رومانیہ کی ٹیم ہالینڈ کو شکست دینے میں کامیاب ہوجاتی ہے تو اس صورت میں اٹلی اور فرانس‘ دونوں ہی ٹیمیں یورو کپ دو ہزار آٹھ سے باہر ہوجائینگی۔

گروپ سی میں رومانیہ نے اٹلی اور فرانس کے ساتھ اپنے میچ برابری پر ختم کئے ہیں جبکہ اسی گروپ میں ہالینڈ نے اٹلی اور فرانس جیسی دو مضبوط ٹیموں کو آسانی سے شکست دی ہے۔

Der Pokal der Europameisterschaft 2008

یورو کپ دو ہزار آٹھ میں فٹبال ٹیمیں اس ٹرافی کے لئے مقابلہ کررہی ہیں

آج کے میچوں کے نتائج سامنے آنے کے بعد گروپ سی کی صورتحال پوری طرح سے واضح ہوجائیگی جبکہ گروپ ڈی میں سویڈن اور روس میں سے ایک ٹیم کوارٹر فائنل تک پہنچ سکتی ہے۔ اس گروپ سے سپین کی ٹیم کوارٹر فائنل تک رسائی حاصل کرچکی ہے۔

DW.COM