1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

کوئٹہ، فوجی ٹرک پر حملہ، متعدد افراد ہلاک

پاکستانی فوج کے ترجمان کے مطابق کوئٹہ میں ایک فوجی ٹرک پر حملہ کرنے کی کوشش کی گئی ہے۔ میڈیا رپورٹوں کے مطابق اس کارروائی میں کم از کم پندرہ افراد ہلاک جبکہ درجنوں زخمی ہوئے ہیں۔

خبر رساں ادارے اے ایف پی نے پاکستانی حکام کے حوالے سے بتایا ہے کہ بارہ اگست بروز ہفتہ کی شب کوئٹہ میں ایک بس اسٹاپ کے قریب ایک دھماکا ہوا، جس کے نتیجے میں  وہاں آگ لگ گئی۔ پاکستان کے شورش زدہ صوبے بلوچستان کے دارالحکومت کوئٹہ میں ہونے والے اس دھماکے کے نتیجے میں کم ازکم پندرہ افراد ہلاک جبکہ بتیس زخمی ہو گئے ہیں۔ 

کوئٹہ میں خودکش کار بم حملہ، کم از کم نو افراد ہلاک

کوئٹہ حملہ لشکر جھنگوی سے الگ ہونے والے ایک گروہ نے کیا

کوئٹہ میں پولیس اکیڈمی پر حملہ، داعش نے ذمہ داری قبول کر لی

ویڈیو دیکھیے 01:00

گوادر پورٹ ’ترقی کا زینہ‘

 پاکستانی فوج کے ترجمان میجر جنرل آصف غفور نے اپنی ایک ٹوئٹ میں اسے ایک دہشت گردانہ کارروائی قرار دیتے ہوئے کہا کہ آرمی ٹرک کو نشانہ بنانے کی کوشش کی گئی۔

انہوں نے اس حملے کی مذمت کرتے ہوئے مزید کہا کہ دراصل یہ پاکستان کے یوم آزادی کی تقریبات کو سبوتاژ کرنے کی ایک کوشش تھی لیکن پاکستان فوج کے حوصلے پست نہیں ہوں گے۔

اپنی ٹوئٹ میں انہوں نے لکھا کہ پاکستانی فوج کے سربراہ اس حملے کی شدید مذمت کرتے ہیں۔

میجر جنرل آصف غفور کے مطابق پاکستانی فوج تمام تر چیلنجوں سے نمٹنے کے لیے تیار ہے۔

یہ کارروائی ایک ایسے وقت پر کی گئی ہے، جب دو روز بعد ہی پاکستان اپنا 70 واں یوم آزادی منا رہا ہے۔ اس مناسبت سے کوئٹہ سمیت کئی حساس علاقوں میں سکیورٹی ہائی الرٹ ہے۔

بلوچستان کی صوبائی حکومت کے ترجمان انوار الحق نے اس واقعے کی تصدیق کرتے ہوئے کہا ہے کہ امدادی کارروائیوں کا سلسلہ جاری ہے۔ انہوں نے کہا کہ ہسپتالوں میں ہنگامی حالت نافذ کر دی گئی ہے جبکہ چھٹیوں پر گئے ڈاکٹروں کو بھی فوری طور پر طلب کر لیا گیا ہے۔ ادھر طبی ذرائع نے ہلاکتوں میں اضافے کا خدشہ بھی ظاہر کیا ہے۔

فوری طور پر اس کارروائی کی ذمہ داری کسی نے قبول نہیں کی ہے تاہم وہاں کئی انتہا پسند گروہوں کے علاوہ بلوچ علیحدگی پسند بھی فعال ہیں، جو ماضی میں ایسے حملوں کی ذمہ داری قبول کرتے رہے ہیں۔

DW.COM

Audios and videos on the topic