1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

کم کلائسٹرز ورلڈ رینکنگ میں ایک درجہ اوپر

آسٹریلین اوپن میں فتح حاصل کرنے والی کم کلائسٹرز وومن ٹینس رینکنگ میں نمبر تین سے اب نمبر دو پر آ گئی ہیں۔ کم کلائسٹرز نے آسٹریلین اوپن کا فائنل جیتنے کے بعد کہا تھا کہ شاید 2011ء ٹینس کی دنیا میں ان کا آخری سال ہو۔

default

بیلجیم سے تعلق رکھنے والی کم کلائسٹرز نے آسڑیلین اوپن کے فائنل میں چینی کھلاڑی Li Na کو شکست دی تھی۔ فائنل تک پہنچنے کی وجہ سے لی اس عالمی رینکنگ میں نمبر سات پر پہنچ گئی ہیں۔ ان کے ٹینس کیریئر کی یہ اب تک کی بہترین پوزیشن ہے۔

آج پیر کے روز وومن ٹینس ایسوسی ایشن کی طرف سے جاری کردہ اس تازہ ترین رینکنگ میں ڈنمارک کی کیرولینا ووصنیاکی 8,655 پوائنٹس کے ساتھ بدستور پہلے نمبر پر موجود ہیں۔

Caroline Wozniacki Tennis Dänemark U.S. Open Flash-Galerie

ڈنمارک کی کیرولینا ووصنیاکی بدستور پہلے نمبر پر موجود ہیں

ووصنیاکی کے بعد بہت کم فرق کے ساتھ دوسرے نمبر پر کِم کلائسٹرز ہیں جنہیں 8,515 پوائنٹس حاصل ہیں جبکہ روسی کھلاڑی ویرا زووناریوا دوسری پوزیشن سے اب تیسری پر پہنچ گئی ہیں اور ان کے 7,405 پوائنس ہیں۔

لی وہ پہلی چینی کھلاڑی ہیں جو آسٹریلین اوپن کے خواتین کے فائنل تک پہنچی ہیں اور اسی سبب وہ 11 ویں سے ساتویں پوزیشن پر آ گئی ہیں۔

سابقہ نمبر ایک سیرینا ولیمز، جنہوں نے گزشتہ برس ومبلڈن جیتنے کے بعد کوئی میچ نہیں کھیلا، اب ٹاپ دس کھلاڑیوں سے نکل گئی ہیں اور اب وہ 12 ویں پوزیشن پر ہیں۔

WTA کی طرف سے پیر 31 جنوری کو جاری کردہ رینکنگ کے مطابق پہلی دس کھلاڑیوں کی پوزیشنیں کچھ یوں ہیں۔

پوزیشن کھلاڑی ملک پوائنٹس

1. کیرولینا ووصنیاکی ڈنمارک 8,655

2. کِم کلائسٹرز بیلجیم 8,515

3. ویرا زووناریوا روس 7,405

4. فرانچیسکا شیاوونے اٹلی 5,055

5. سمانتھا سٹاؤسر آسٹریلیا 4,862

6. وینس ولیمز امریکہ 4,645

7. لی نا چین 4,450

8. ژیلینا یانکووچ سربیا 4,385

9. وکٹوریا آزارینکا بیلاروس 3,935

10. اگنیسکا راڈوانسکا پولینڈ 3,340

رپورٹ: افسر اعوان

ادارت: مقبول ملک

DW.COM

ویب لنکس