1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

کشمیر:'اجتماعی قبروں میں لاپتہ افراد کو دفنایا گیا ہے'

بھارت کے زیر انتظام ریاست جموں کشمیر میں گُزشتہ اٹھارہ برسوں سے بھارتی افواج اور ریاستی پولیس کی طرف سے مبینہ طور پر لاپتہ کئے جانے والے افراد کے بارے میں انسانی حقوق کی تنظیموں نے خدشہ ظاہر کیا ہے کہ ان افراد کو جعلی جھڑپوں میں قتل کرکے اجتماعی قبروں میں دفنایا گیا ہے۔

default

اس سلسلے میں لاپتہ افراد کے لواحقین کی تنظیم ‘ Association of Disappeared Persons (APDP) نے حال ہی میں ایک رپورٹ جاری کی۔اس رپورٹ میں کہا گیا ہے کہ کشمیر وادی کے ضلع بارہمولہ میں کئی ایسی اجتماعی قبریں ہیں جن میں ایک ہزار کے قریب غیر شناخت شدہ لعشوں کو دفنایا گیا ہے۔

مزکورہ تنظیم کا کہنا ہے کہ عین ممکن ہے کہ ان قبروں میں ان کے رشتہ داروں کو دفنایا گیا ہو۔مقامی لوگوں کے بیانات سے بھی ایسے ہی خدشات ظاہر کئے گئے ہیں۔تاہم ریاستی حکومت اور پولیس کے مطابق تحصیل اوڑی میں جن اجتماعی قبروں کا انکشاف ہوا ہے ان میں غیر ملکی عسکریت پسندوں کو دفن کیا گیا ہے۔

ریاست میں سرگرم حقوق انسانی کی تنظیموں کے اتحاد کولیشن آف سول سوسائٹی نے اس سلسلے میں عالمی برادری سے اپیل کی ہے کہ وہ بھارتی حکومت پر اس سلسلے میں دباﺅ ڈالیں تاکہ حقیقت کا پتہ لگایا جا سکے۔

کولیشن آف سول سوسائٹی‘ CCS‘ کے صدر پرویز امروز کے مطابق لاپتہ افراد کے بارے میں بھارتی حکومت‘ بھارتی افواج اور ریاستی حکومت غلط بیانی سے کام لے رہی ہیں۔