1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

کرکٹ ورلڈ کپ: تندولکر کی 99 ویں سینچری

بھارتی شہر ناگپور میں کرکٹ کے عالمی کپ کے گروپ بی میں آج کھیلے جا رہے ایک میچ میں بھارت جنوبی افریقہ کے خلاف دو سو چھیانوے رنز بنا کر آؤٹ ہو گیا ہے۔

default

لٹل ماسٹر سچن تندولکر

بین الاقوامی کرکٹ میں سچن تندولکر کی یہ 99 ویں سینچری تھی اور اب وہ ون ڈے اور ٹیسٹ میں کل ملا کر سو سینچریوں سے صرف ایک سینچری کے فاصلے پر ہیں۔ یہ ورلڈ کپ میں تندولکر کی ریکارڈ چھٹی سینچری بھی تھی۔ تندولکر کے علاوہ صرف پاکستان کے جاوید میاں داد ہی وہ کھلاڑی ہیں، جنہوں نے ورلڈ کپ میں چھ سینچریاں اسکور کی ہیں۔

Indien Bangalore Cricket WM

اب میچ کا دارومدار بھارتی بولرز پر ہے

سچن تندولکر کی شاندار سینچری کے بعد امید کی جا رہی تھی کہ بھارت ایک بھاری اسکور کرنے میں کامیاب ہو جائے گا تاہم بھارت کی نو وکٹیں صرف انتیس رنز کے وقفے میں گر گئیں۔ پہلے بیٹنگ کرتے ہوئے بھارتی بلّے بازوں تندولکر اور سہواگ نے ایک سو بیالیس رنز کی شراکت داری کی۔ جنوبی افریقہ کی ٹیم  دو سو ستانوے کے ہدف کا تعاقب کر رہی ہے۔ سہواگ نے تہتر رنز اسکور کیے۔

چالیسویں اوور میں جب تندولکر ایک سو گیارہ رنز بنا کر آؤٹ ہوئے تو امید تھی کہ بھارت کم از کم ساڑھے تین سو رنز بنا لے گا تاہم بعد میں آنے والے کھلاڑی جنوبی افریقہ کے بولرز کا جم کر مقابلہ نہ کر سکے۔ گوتم گمبھیر انہتر رنز بنا سکے۔

جنوبی افریقہ کی طرف سے اسٹین نے شاندار بولنگ کرتے ہوئے چھ کھلاڑیوں کو آؤٹ کیا۔

جنوبی افریقہ کو اب سے کچھ دیر پہلے اٹھارہ اوورز میں ایک سو اکتالیس رنز درکار تھے اور اس کے صرف دو کھلاڑی آؤٹ ہوئے تھے۔

رپورٹ: شامل شمس⁄  خبر رساں ادارے

ادارت: امجد علی

DW.COM