1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

کرکٹ: بھارت نے انگلینڈ کو سیریز میں شکست دے دی

رویندرا جادیجا کی شاندار اسپن بولنگ کی بدولت بھارت نے انگلینڈ کو پانچویں اور آخری ون ڈے میچ میں پچانوے رنز سے شکست دے دی ہے۔

default

بھارتی کپتان دھونی

بھارتی کرکٹ ٹیم کی اس جیت کے ساتھ ہی بھارت یہ سیریز بھی جیت گیا ہے۔ بھارت نے اس سیریز میں کلین سویپ کیا ہے۔

کلکتے میں منگل کے روز کھیلے جانے والے اس میچ میں انگلینڈ کی ٹیم نے اپنی اننگز کا آغاز عمدہ طریقے سے کیا۔ کریگ کیسویٹر اور ایلیسٹیئر کُک کی اوپننگ شراکت میں انگلینڈ نے ایک سو انتیس رنز اسکور کیے۔ کیسویٹر نے تریسٹھ اور کُک نے ساٹھ رنز بنائے۔ انگلینڈ کی ٹیم بھارت کی جانب سے مقرر کیے گئے دو سو بہتر رنز کے ہدف کا تعاقب کر رہی تھی۔ تاہم اس اچھے آغاز کے بعد بھارتی اسپنر جادیجا نے شاندار بولنگ کا مظاہرہ کرتے ہوئے تینتیس رنز کے عوض چار وکٹیں حاصل کر کے میچ کا پانسہ ہی پلٹ دیا۔

Flash-Galerie Cricket Bangladesh gegen Indien

دوسری جانب آف اسپنر روی چندرن ایشون نے اٹھائیس رنز دے کر تین وکٹیں، جبکہ سریش رینا اور منوج تواری نے ایک ایک وکٹ حاصل کر کے انڈیا کو فتح سے ہمکنار کرا دیا۔ انگلینڈ اس سیریز میں کوئی بھی میچ جیتنے میں ناکام رہا ہے۔

انڈیا کی اننگز کا آغاز بھی اچھے طریقے سے ہوا۔ اسّی رنز پر بھارت کی پہلی وکٹ گری مگر پھر اس کے بعد ایک سو تئیس پر بھارت کی چار وکٹیں گر چکی تھیں۔ بھارت کی اننگز کو کپتان مہندر سنگھ دھونی نے آ کر سنبھالا دیا۔ انہوں نے انہتر گیندیں کھیل کر پچہتر رنز کی ناقابل شکست اننگز کھیلی۔

رپورٹ: شامل شمس ⁄ خبر رساں ادارے

ادارت: امتیاز احمد

DW.COM