1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

کراچی میں وکلاءکے درمیان تصادم‘ ہنگامے اور توڑ پھوڑ

پاکستان کے صوبہ سندھ کی سٹی کورٹس میں آج وکلاءکے دو مخالف گروپوں کے درمیان تصادم آرائی کے نتیجے میں کم از کم آٹھ افراد ہلاک اور متعدد زخمی ہوگئے ہیں۔

پر تشّدد مناظر

پر تشّدد مناظر

ہنگاموں کا آغاز اُس وقت ہوا جب سابق وفاقی وزیر شیر افگن نیازی کے حامی وکیلوں نے مشرف۔مخالف وکلاءکے خلاف احتجاج کیا۔کراچی پولیس کو مُظاہرہ کرنے والے وکلاءکو منتشر کرنے کے لئے فائرنگ بھی کرنا پڑی۔

مُظاہرین نے مبینہ طور پر کراچی کے مرکز میں درجنوں گاڑیوں کو آگ لگائی اور توڑ پھوڑ بھی کی۔کراچی پولیس کا کہنا ہے کہ وکلاءکے دو دھڑوں کے مابین آج بدھ کو ہونے والے تصادم میں ایک پولیس اہلکار سمیت دو افراد ہلاک جبکہ کم از کم آٹھ وکلاءزخمی ہوگئے۔اس کے علاوہ ہنگامے مزید خطرناک شکل اختیار کرگئے۔

مشتعل مُظاہرین نے کئی عمارتوں میں آگ لگادی جس کے نتیجے میں مزید ہلاکتیں ہوئیں۔