1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

کراچی میں بولا سلمان بٹ کا بلا

نیشنل سٹیڈیم کراچی میں ہونے والے ایک روزہ بین الاقوامی میچ میں پاکستان نے سری لنکا کو آٹھ وکٹوں سے شکست دے کر تین میچوں کی سیریز میں ایک ۔ صفر کی برتری حاصل کر لی ہے۔

default

سری لنکا کے سٹار اسپنر مرلی دھرن

سری لنکا کی ٹیم، پہلے بیٹنگ کرتے ہوئے 45.5 آووروں میں 219 رنز بنا کر آؤٹ ہوگئی تھی۔

جواب میں پاکستانی ٹیم نے مقرر ہدف دو وکٹوں کے نقصان پر پورا کر دیا۔ پاکستان کی جانب سے میچ کی خاص بات اوپنر سلمان بٹ کی شاندار سنچری تھی۔ سلمان بٹ نے ایک سو سترہ گیندوں کا سامنا کیا اورتیرہ چوکوں کی مدد سے 100 رنز بنائے۔ انہیں کھیل کا بہترین کھلاڑی قرار دیا گیا۔

سلمان بٹ نے میچ کے بعد کہا کہ انہوں نے افتتاحی بلے باز خرم منظور کے ہمراہ وکٹ پر ٹھہرے رہنے کی منصوبہ بندی کی تھی جو کامیاب رہی۔

میچ سے قبل پاکستان کے کپتان شعیب ملک کا کہنا تھا کہ ان کے بیٹسمین سری لنکا کے اسپنرز کا بھرپور مقابلہ کریں گے اور پہلے میچ میں جیت انتہائی ضروری ہوگی۔

Shoaib Akhtar, Pakistan

پندرہ رکنی پاکستانی اسکورڈ میں فاسٹ باؤلر شعیب اختر کو بھی شامل کیا گیا تھا تاہم انہوں نے اس میچ میں شرکت نہیں کی



سری لنکا کے کپتان مہیلہ جیا وردنے نے کہا تھا کہ ان کی ٹیم بنگلہ دیش میں لڑکھڑائی ضرور تھی لیکن فائنل جیت کر انھوں نے ثابت کردیا کہ ان کی ٹیم بری پوزیشن میں آکر بھی میچ جیت سکتی ہے۔

پاکستان کرکٹ بورڈ نے بھارتی ٹیم کے انکار کے بعدسری لنکا کی ٹیم کو دورے کی دعوت دی تھی۔ سری لنکا کی ٹیم دو مرحلوں میں پاکستان میں ون ڈے اور ٹیسٹ سیریز کھیلے گی۔

Audios and videos on the topic