1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

کراچی سے القاعدہ کا سینئر رہنما گرفتار

پاکستانی سکیورٹی فورسز کے مطابق انہوں نے منگل کے روز کراچی سے القاعدہ کے سینئر رہنما محمّد علی قاسم یعقوب کو گرفتار کر لیا ہے۔

default

پاکستانی افواج نے ایک بیان میں کہا ہے کہ محمّد علی قاسم یعقوب عرف ابو شعیب المکّی پاکستان اور افغانستان کی سرحد پر القاعدہ کی کمان کے ساتھ براہِ راست کام کر رہا تھا۔

یہ بات تاہم واضح نہیں ہے کہ المکّی کی القاعدہ میں پوزیشن کیا ہے اور وہ اس تنظیم میں کتنا سینئر ہے۔ اسلام آباد میں امریکی سفارت خانہ المکّی کے نام سے ناواقف ہے اور اس کا نام امریکی ’ریوارڈز فار جسٹس‘ پروگرام کی فہرست میں بھی شامل نہیں ہے۔

NO FLASH Start Abkommen US Senat

امریکی سینیٹر جان کیری حال ہی میں پاکستان کے دورے پر تھے

پاکستانی فوج کے بیان میں المکّی کی گرفتاری کو ایک اہم کامیابی قرار دیا گیا ہے اور کہا گیا ہے کہ اس سے خطّے میں القاعدہ کی سرگرمیوں کا سراغ لگانے میں مدد ملے گی۔

المکّی کی گرفتاری امریکی سینیٹر جان کیری کے دورہِ پاکستان کے فوراً بعد ہوئی ہے۔ جان کیری کا دورہ اسامہ بن لادن کی پاکستان میں امریکی افواج کے ہاتھوں ہلاکت کے بعد کسی بھی امریکی عہدیدار کا پہلا دورہ تھا۔ پاکستان اور امریکہ کے مطابق دورے کا مقصد بن لادن کی ہلاکت کے بعد دونوں ممالک کے درمیان پیدا ہونے والا تناؤ کم کرنا تھا۔

ایک سینئر سکیورٹی افسر کے مطابق المکّی کی عمر پینتیس اور چالیس برس کے درمیان ہے اور وہ اپنی بیوی اور تین بچّوں کے ساتھ رہ رہا تھا۔ فوج کے مطابق مکّی سن دو ہزار گیارہ میں پاکستان آیا تھا۔

امریکی حکومت کی جانب سے پاکستان پر اسلامی شدّت پسندوں کے خلاف مؤثر اور مزید کارروائی کرنے کے لیے دباؤ میں اضافہ دیکھنے میں آیا ہے۔

رپورٹ: شامل شمس⁄ خبر رساں ادارے

ادارت: ندیم گِل

DW.COM