1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

فن و ثقافت

کاسمیٹک مصنوعات کا استعمال، ایران ساتوں بڑا ملک

سرکاری سرپرستی میں چلنے والے ایک ایرانی انگریزی اخبار نے اپنی ایک رپورٹ میں کہا ہے کہ کاسمیٹک مصنوعات کے استعمال کے لحاظ سے ایران دنیا کا ساتواں بڑا ملک ہے۔ یہ رپورٹ اس ایرانی اخبار میں اتوار کے روز شائع ہوئی ہے۔

default

اخباری رپورٹ کے مطابق خوبصورت بنانے والی مصنوعات پر ایرانی عوام ہر سال دو اعشاریہ ایک بلین ڈالر خرچ کرتے ہیں۔ اخبار نے معاشی تحقیق کے ایک نجی ادارے TMBA کے ایک سروے کو بنیاد بنا کر یہ رپورٹ شائع کی ہے۔ اس رپورٹ میں کہا گیا ہے کہ مشرق وسطیٰ کی کاسمیٹک مارکیٹ میں ایرانی حصہ تقریبا 29 فیصد بنتا ہے۔

Naturkosmetik

ایرانی خواتین میں درآمد کردہ مصنوعات خاصی مقبول ہیں

سروے کے مطابق اہم شہروں میں رہنے والی 15 سے 45 برس عمر کی 14 ملین ایرانی خواتین اس مد میں اوسط سات ڈالر ماہانہ کے حساب سے خرچ کرتی ہیں۔ اس سروے رپورٹ میں خواتین کی دلچسپی کی کاسمیٹک مصنوعات کی تفصیلات نہیں بتائی گئی ہیں۔

ایران میں ماہانہ تنخواہ تقریبا چھ سے سات سو ڈالر کے مساوی بنتی ہے۔ سروے رپورٹ میں کہا گیا ہے کہ خوبصورتی سے وابستہ مصنوعات کی زیادہ کھپت کی وجہ یہ ہے کہ ایران میں تقریبا 74 ملین افراد کی عمر 30 برس سے کم ہے۔ اس لحاظ سے یہ کل ایرانی آبادی کا تقریبا نصف بنتا ہے۔

رپورٹ میں بتایا گیا ہے کہ ایران میں تیار ہونے والی کاسمیٹکس کے ساتھ ساتھ اہم کردار ان مصنوعات کا ہے، جو درآمد کی جاتی ہیں۔ تاہم اس رپورٹ میں اندازوں کی بنیاد پر جائزہ پیش کیا گیا ہے اور کوئی حتمی اعداد وشمار جاری نہیں کئے گئے ہیں۔

رپورٹ : عاطف توقیرادارت : کشور مصطفیٰ