1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

کاسترو کا ورثہ فائرنگ اسکواڈ، چوری چکاری  وسینہ زوری، ٹرمپ

منتخب امریکی صدر ڈونلڈ ٹرمپ نے کیوبا کے انتقال کر جانے والے انقلابی رہنما فیڈل کاسترو کو ایک ’سفاک آمر‘ قرار دیا ہے۔ ٹرمپ کے بقول کساترو دور کی ہولناکیوں کا ازالہ فوری ممکن نہیں۔

USA Miami Reaktionen Tod Fidel Castro (picture-alliance/dpa/G. Viera)

کاسترو کی رحلت پر جلاوطن کیوبن شہری مسرت کا اظہار کرتے ہوئے

 ڈونلڈ ٹرمپ نے کہا ہے کہ فیڈل کاسترو نے اپنے ہی لوگوں کو تقریباً چھ دہائیوں تک محکوم بنائے رکھا،’’کیوبا ایک مطلق العنان ریاستی جزیرہ ہے۔ مجھے امید ہے کہ کاسترو کے انتقال کے بعد یہاں کے شہری اُس خوف اور مشقت سے چھٹکارا پا لیں گے، جس کا انہیں کاسترو کے دور میں سامنا تھا۔‘‘  ٹرمپ نے مزید کہا کہ  انہیں اس کا بھی یقین ہے کہ کیوبا کے باقار اور پرجوش عوام انجام کار مستقبل میں اس آزادی سے ہمکنار ہوں گے، جس کے جائز حقدار ہیں۔

ٹرمپ نے مزید کہا کہ فیڈل کاسترو کے دور میں عوام کو جن المناکیوں، اموات اور درد کا سامنا کرنا پڑا ہے اس کا جلد ازالہ ممکن نہیں،’’ لیکن میری انتظامیہ ہر ممکن کوشش کرے گی کہ کیوبا کے عوام خوشحالی اور آزادی کا اپنا سفر  بتدریج طے کر لیں۔‘‘

USA Donald Trump bei der New York Times (Reuters/L. Jackson)

نومنتخب امریکی صدر ڈونلڈ ٹرمپ

ساتھ ہی امریکی صدر باراک اوباما نے فیڈل کاسترو کی رحلت پر تبصرہ کرتے ہوئے کہا کہ امریکا اور کیوبا کے درمیان دو طرفہ تعلقات اختلافات اور سیاسی تنازعات کی بھینٹ چڑھے رہے۔ ان کے بقول،’’ اس افسوس اور غم کے لمحات میں امریکی شہری کیوبن عوام کے لیے ہمدردی اور دوستی کا ہاتھ بڑھاتے ہیں۔‘‘ اوباما نےمزید کہا کہ تاریخ ہی طے کرے گی کہ اس سیاسی شخصیت نے اپنے ملک اور خطے پر کس حد تک مثبت اثرات مرتب کیے ہیں۔ ان خیالات کا اظہار امریکی صدر نے فلوریڈا میں کیا جہاں کاسترو کی موت کی خبر عام ہونے جلاوطن کیوبن عوام نے مسرت و خوشی کا پر زور انداز میں اظہار کیا ہے۔