1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

کاتالونیا بحران کے سائے میں ہسپانوی قومی دن

اسپین میں آج قومی دن کی خصوصی تقریبات منعقد کی جا رہی ہیں۔ یہ تقریبات ایک ایسے موقع پر ہو رہی ہیں جب کاتالونیا کی آزادی کے حوالے سے داخلی تنازعے کو تقویت حاصل ہو چکی ہے۔

ہسپانوی قومی دن کی مرکزی تقریب ہر سال کی طرح معمول کی فوجی پریڈ قرار دی جاتی ہے۔ آج ہونے والی پریڈ کے مہمان خصوصی قدامت پسند وزیراعظم ماریانو راخوئے اور آئینی حکمران شاہ فیلپے تھے۔ اس کے ساتھ ساتھ دارالحکومت میڈرڈ کی گلیوں اور سڑکوں پر شہری ملکی جھنڈے لہراتے پھر رہے ہیں۔ یہ شہری اپنے ملک کا قومی ترانہ بھی بلند آواز میں گاتے دیکھے گئے ہیں۔

کاتالان لیڈر کا اعلان، ہسپانوی حکومت کی خصوصی میٹنگ طلب

ممکنہ آزادی کے بعد کاتالونیا کا یورپی یونین میں مستقبل

کاتالان رہنماؤں کی مذاکرات کی دعوت اسپین نے مسترد کر دی

اسپین سے آزادی کا حق حاصل ہو گیا ہے، کاتالان رہنما کا دعویٰ

فوجی پریڈ ہر سال ملکی دارالحکومت میڈرڈ کے پاسیو ڈے لا کاستیلانا بلیوارڈ پر منعقد کی جاتی ہے۔ یہ پریڈ ہسپانوی مہم جو کرسٹوفر کولمبس کے امریکا دریافت کرنے کے دن منایا جاتا ہے۔ کولمبس سن 1492 میں امریکا پہنچا تھا۔ وزیراعظم ماریانو راخوئے کی حکومت فوجی پریڈ سے اپنی قوت کا اظہار سے جوڑنے کی متمنی ہے۔

راخوئے نے بدھ گیارہ ستمبر کو اپنے سابقہ موقف کو دہرایا تھا کہ وہ اسپین کی وحدت کو قائم رکھنے کے لیے کسی بھی اقدام سے گریز نہیں کریں گے۔ انہوں نے کاتالونیا کا انتظامی کنٹرول سنبھالنے کا بھی عندیہ دے رکھا ہے۔

Spanien Protest für Unabhängigkeit in Katalonien (Getty Images/AFP/J. Lago)

ہسپانوی علاقے کاتالونیا میں پہلی اکتوبر کو آزاد کے ریفرنڈم کا انعقاد کیا گیا تھا

دوسری جانب ہسپانوی حکومت کی جانب سے کاتالونیا کے معطل اعلان آزادی کے حوالے سے دی گئی پانچ روزہ مہلت پر ردعمل ظاہر کرتے ہوئے کاتالونیا کے علاقائی صدر کارلیس پوج ڈیمونٹ کا کہنا ہے کہ میڈرڈ حکومت سے مذاکرات شروع کرنے کا مطالبہ کیا گیا اور جواباً دستور کے آرٹیکل 155 کو مذاکراتی میز پر رکھ دیا گیا ہے، یہ دی گئی پیش کش کا ایک واضح جواب ہے۔ اس آرٹیکل کے تحت کاتالونیا کو دیے گئے خصوصی خود مختاری کے اختیارات منسوخ کیے جا سکتے ہیں اور ڈائرکٹ رُول کا نفاد کیا جا سکتا ہے۔

ویڈیو دیکھیے 01:31

’آزادی ریفرنڈم‘، کاتالونیا میں جھڑپیں

ہسپانوی وزیراعظم ماریانو راخوئے آزادی کے حوالے سے کاتالونیا کے رہنماؤں سے کوئی مذاکرات کرنے پر تیار نہیں ہیں۔ میڈرڈ حکومت کے بیان پر پوج ڈیمونٹ کے نائب اور کاتالونیا کے نائب صدر اورئل خوانکیراس نے کہا ہے کہ وہ راخوئے حکومت کے ساتھ سنجیدہ مذاکرات چاہتے ہیں، جس کا اظہار بین الاقوامی برادری بھی کر چکی ہے۔ خانکیراس نے مزید کہا کہ کاتالونیا نہ تصادم کی خواہش رکھتا ہے اور نہ ہی کوئی دھمکی سننے کی۔

DW.COM

Audios and videos on the topic

ملتے جلتے مندرجات