1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

کئی سال بعد پہلے سنجیدہ ترین اسرائیل ، فلسطینی امن مذاکرات

اسرائیل اور فلسطینیوں نے مشرق وسطیٰ کے تنازعے میں گذشتہ سات برسوں میں پہلی مرتبہ آپس کے مرکزی متنازعہ امور پر مذاکرات شروع کر دیئے ہیں۔

دائیں سے بائیں: اسرائیلی وزیر اعظم اولیمرٹ، فلسطینی صدر عباس، احمد قریع اور Zipi Livni

دائیں سے بائیں: اسرائیلی وزیر اعظم اولیمرٹ، فلسطینی صدر عباس، احمد قریع اور Zipi Livni

اس مکالمت میں اسرائیل کی طرف سے خاتون وزیر خارجہ Zipi Livni اور فلسطینیوں کی طرف سے سابق وزیر اعظم احمد قریع حصہ لے رہے ہیں۔ دونوں رہنما اپنے اپنے وفود کی مدد سے فلسطینی مہاجرین کی واپسی، خود مختارفلسطینی ریاست کی قومی سرحدوں اورمستقبل میں یروشلم کی حیثیت جیسے انتہائی متنازعہ معاملات میں کسی اتفاق رائے تک پہنچنے کی کوشش کریں گے۔

مقصد یہ ہے کہ اس بات چیت کے نتیجے میں ایک سال کے اندر اندر فلسطینیوں کی اپنی ایک علیحدہ ریاست قائم ہو سکے۔ فلسطینی صدر محمود عباس نے اس مکالمت کوگذشتہ کئی برسوں کے دوران اسرائیل اور فلسطینیوں کے مابین ہونے والی سب سے سنجیدہ امن بات چیت قرار دیاہے۔