1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

ڈونلڈ ٹرمپ کی لندن کے میئر صادق خان پر تازہ تنقید

امریکی صدر ڈونلڈ ٹرمپ نے لندن کے میئر صادق خان پر اپنی حالیہ تنقید میں کہا ہے کہ ہفتے کے روز لندن میں ہوئے دہشت گردانہ حملوں کے تناظر میں دیے گئے صادق خان کے بیانات ’قابلِ رحم‘ ہیں۔

ڈونلڈ ٹرمپ نے لندن میں ہوئے دہشت گردانہ حملوں کے بعد مئیر صادق خان کے اُس بیان پر کڑی تنقید کی ہے جس میں اُنہوں نے کہا تھا کہ،’’ تشویش کی کوئی بات نہیں۔‘‘ ٹرمپ نے خان کے اس بیان پر اپنے ٹویٹ میں لکھا،’’ لندن کے میئر صادق خان کی جانب سے یہ ایک قابلِ افسوس عٰذر ہے۔‘‘

ٹرمپ نے میڈیا پر الزام لگاتے ہوئے کہا کہ خان کے اس بیان کی مارکیٹنگ کرنے کے لیے میڈیا نے بہت محنت کی ہے۔ صادق خان نے ٹرمپ کے اس تنقید سے ایک روز قبل لندن کے رہائشیوں کو مخاطب کرتے ہوئے کہا تھا کہ اُنہیں فکر مند ہونے کی ضرورت نہیں تاہم اُن کے اس بیان کو غلط تناظر میں لینے پر خود امریکی صدر کو بھی تنقید کا سامنا ہے۔

 لندن شہر کے میئر نے برطانوی نشریاتی ادارے سے بات کرتے ہوئے کہا تھا،’’ لندن میں آج اور آئندہ کچھ روز تک پولیس کی زیادہ نفری تعینات رہے گی۔ بظاہر تشویش کی کوئی بات نہیں۔‘‘

اتوار کے روز ٹرمپ کی جانب سے صادق خان پر تنقیدی ٹویٹ پیغامات کے بعد خان کے لندن آفس کی جانب سے کہا گیا ،’’ لندن کے میئر کو ٹرمپ کے ناقص معلومات پرکیے جانے والے ٹویٹس پر توجہ مرکوز کی ضرورت نہیں کیونکہ انہیں اِن سے زیادہ اہم کام انجام دینے ہیں۔‘‘ 

DW.COM