چین میں گدھوں کی کھال کی بڑھتی مانگ | معاشرہ | DW | 06.10.2017
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

معاشرہ

چین میں گدھوں کی کھال کی بڑھتی مانگ

افریقی ملک زمبابوے کی حکومت نے جانوروں کے حقوق کے لیے کام کرنے والی تنظیموں کی تنقید کے باوجود چین میں ادویات کی صنعت کے لیے اپنے ملک میں گدھوں کی کھالیں ایکسپورٹ کرنے کے لیے ذبح خانے بنانے کا فیصلہ کیا ہے۔

اب زمبابوے کا شمار بھی ان کئی افریقی ممالک میں ہو جائے گا جو چینی شہریوں کے اس یقین سے فائدہ اٹھانا چاہ رہے ہیں کہ گدھے کی کھال سے تیار کردہ ادویات سے کئی بیماریوں کا علاج کیا جاسکتا ہے۔ جرمن نیوز ایجنسی ڈی پی اے کے مطابق زمبابوے کے نائب وزیر برائے زراعت کا کہنا تھا،’’ہم نے گدھوں کو ذبح کرنے کے لیے ذبح خانے بنائے جانے کی تمام شرائط پوری کر دی ہیں۔‘‘

جنوبی افریقہ میں بیف مصنوعات میں گدھے کے گوشت کی ملاوٹ

پاکستان: گدھوں کی ہزاروں کھالیں چین اسمگل کرنے کی کوشش ناکام

اس ہفتے جانوروں کے حقوق کے لیے کام کرنے والی پانچ تنظیموں نےایک مشترکہ بیان میں کہا ہے،’’کسانوں کے لیے گدھے انتہائی اہمیت کے حامل ہیں۔ اگر گدھوں کی آبادی میں کمی آئے گی تو ان کی قیمتوں میں بے پناہ اضافہ ہو جائے گا۔کینیا میں گدھوں کے تین بڑے ذبح خانے ہیں۔ اب وہاں گدھوں کی قیمت چار گنا بڑھ گئی ہے۔ کسانوں کے لیے اب یہ جانور خریدنا مشکل ہو گیا ہے اور ان کے مالی حالات ابتر ہوتے جا رہے ہیں۔‘‘

Bildergalerie Turkana Stamm aus Kenia (Reuters/Goran Tomasevic)

کسانوں کے لیے گدھے انتہائی اہمیت کے حامل ہیں

چین میں گدھوں کی کھال سے حاصل کیے جانے والے جیلیٹن سے بنائی گئی دوا ایک ہزار یورو تک کی قیمت میں فروخت ہوتی ہے لیکن مبصرین کا کہنا ہے کہ یہ پیسہ کھال فروخت کرنے والوں کو جائے گا ناکہ کسانوں کو۔ زمبابوے میں جانوروں کے حقوق پر کام کرنے والی ایک تنظیم کا کہنا ہے کہ گدھوں کو بڑی تعداد میں ذبح کرنے سے اس ملک میں گدھوں کی ڈیڑھ لاکھ کی آبادی جلد کم ہو جائے گی۔

DW.COM

ملتے جلتے مندرجات