1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

چین میں حادثہ، جنوبی کوریا کے دس بچے ہلاک

مشرقی چين ميں آج بروز منگل پيش آنے والے ايک ٹريفک حادثے ميں جنوبی کوريا کے کم از کم دس بچے ہلاک ہو گئے ہیں۔ اسکول کے بچوں کو لے جانے والی یہ بس ايک سرنگ ميں سفر کر رہی تھی۔

نیوز ایجنسی اے ایف پی کے مطابق مقامی وقت کے مطابق تقريباً نو بجے کسی چيز سے ٹکرانے کے بعد بس میں آگ لگ گئی تھی۔ ہلاک ہونے والے بچوں کی عمريں چار سے سات برسوں کے درميان تھيں اور وہ صوبہ شان ڈونگ کے شہر وائی ہائی کے رہنے والے تھے۔

چين ميں جنوبی کوريائی سفارتی عملے کے ايک رکن نے اس حادثے کی تصديق کر دی ہے تاہم ہلاک شدگان کی درست تعداد تاحال واضح نہيں۔ ايک اور ويب سائٹ نے ہلاک ہونے والوں کی تعداد بارہ کے لگ بھگ بتائی ہے۔ چینی حکام نے ابھی تک ایسے دو بچوں کی شہریت کے بارے میں نہیں بتایا جو جنوبی کوریا سے تعلق رکھنے والے بچوں کے ساتھ اس واقعے میں ہلاک ہوئے۔

پیپلز ڈیلی کے ٹوئٹر اکاؤنٹ پر ایک ویڈیو پوسٹ کی گئی ہے جس میں دیکھا جا سکتا ہے کہ بس کو آگ لگی ہوئی ہے اور گاڑیاں اس بس سے دور ہونے کی کوشش کر رہی ہیں۔

اس بس میں سوار بچے جنوبی کوریائی بچوں کے لیے بنائے گئے ایک بین الاقوامی اسکول میں تعلیم حاصل کر رہے تھے۔ چین میں ٹریفک حادثات معمول کی بات ہے۔ چینی حکام کے مطابق سن 2015 میں چین میں 180 ہزار ٹریفک حادثات ریکارڈ کیے گئے جن میں 58 ہزار افراد ہلاک ہوئے تھے۔