1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

چین اور پولینڈ کے درمیان دفاعی تعاون کا معاہدہ

مغربی دفاعی اتحاد نیٹو کے رکن ملک پولینڈ نے بدھ کے روز چین کے ساتھ ایک فوجی تعاون کے معاہدے پر دستخط کر دئے ہیں۔ دونوں ملکوں کے وزرائے دفاع نے معاہدے کے بعد ایک مشترکہ بیان بھی جاری کیا۔

default

پولینڈ کے دارالحکومت وارسا کا امتیازی نشان

پولینڈ کے وزیر دفاع بوگڈان کلِش نے بیجنگ میں اپنے چینی ہم منصب لیانگ گوآنگ لی سے ملاقات کی۔ اس معاہدے کے تحت دونوں ممالک ماحولیات کے علاوہ فوجیوں کی تربیت، طبی خدمات اور تحقیق کے شعبے میں تعاون میں اضافہ کریں گے۔ دونوں وزراء کی جانب سے جاری کردہ ایک بیان میں کہا گیا ہے کہ اس معاہدے کی رو سےاب چین اور پولینڈ کے فوجی کمانڈرز کے درمیان ملاقاتوں کا سلسلہ شروع ہو گا اور وہ ہر دو ملکوں میں ہونے والی جنگی مشقوں کے مشاہدہ بھی کر سکیں گے۔

دونوں ممالک کی فوج امن اور امدادی سرگرمیوں کے شعبوں میں بھی ایک دوسرے سے بھرپور تعاون کرے گی۔ تاہم اس معاہدے میں واضح طور پر ہتھیاروں کی تجارت کو شامل نہ کرنے کا اعلان کیا گیا ہے۔

پولینڈ کو 2004 ء میں یورپی یونین میں شامل کیا گیا تھا۔ 1989ء تک سابقہ سوویت بلاک میں رہنے والا ملک پولینڈ دس برس قبل نیٹو میں شامل ہوا تھا۔

رپورٹ : عاطف توقیر

ادارت : امجد علی