1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

چیمپئنز لیگ: لیورکوزن فتح مند، ڈورٹمنڈ کی شکست

یورپی فٹ بال کلبوں کے ٹورنامنٹ چیمپئنز لیگ میں بدھ کی شام کھیلے گئے میچوں میں جرمن کلب لیورکوزن اپنا میچ جیتنے میں کامیاب رہا البتہ ڈورٹمنڈ کو شکست کا سامنا ہوا۔

default

جرمن شہر لیور کوزن کے بے ایرنا میں کھیلے گئے میچ میں لیورکوزن نے مضبوط ہسپانوی کلب ویلینسیا کو ایک کے مقابلے میں دو گول سے شکست دی۔ اس فتح کے بعد لیورکوزن گروپ ای میں تین میچ کھیل کر چھ پوائنٹس کے ساتھ دوسری پوزیشن پر پہنچ گیا ہے۔ ویلینسیا کی تیسری پوزیشن ہے اور اس کے پوائنٹس کی تعداد دو ہے۔ گروپ ای میں برطانوی کلب چیلسی پہلے مقام پر ہے۔

Champions League Gruppe E Bayer 04 Leverkusen gegen Valencia CF FLASH-GALERIE

لیورکوزن کا سڈنی سیم گول کرنے کے بعد

اپنے ہوم گراؤنڈ میں کھیلے جانے والے میچ کے پہلے ہاف میں مہمان فٹ بال کلب نے شاندار کارکردگی کا مظاہرہ کیا۔ چوبیسویں منٹ میں ویلنسیا کے جوناس نے گول کر کے اپنی ٹیم کو برتری دلا دی۔ لیکن دوسرے ہاف کے پہلے پانچ منٹ ویلینسیا کے لیے انتہائی پریشان کن ثابت ہوئے۔ پہلے آندرے شؤرلے نے گول کیا اور پھر سڈنی سیم کے گول نے میزبان ٹیم کو برتری دلا دی۔ اس میچ میں مشہور جرمن کھلاڑی مشائیل بالاک بھی شریک تھے۔

چیمپئنز لیگ میں بدھ کی شام کھیلے گئے ایک اور میچ میں جرمن فٹ بال لیگ بنڈس لیگا کی دفاعی چیمپئن ٹیم ڈورٹمنڈ کو ایک بڑی شکست کا سامنا رہا۔ گروپ ایف میں یونان کے فٹ بال کلب اولمپیاکس (Olympicos) نے ڈورٹمنڈ کو ایک کے مقابلے میں تین گول سے ہرایا۔ یونانی کلب کے خلاف ڈورٹمنڈ کی کارکردگی متاثر کن نہیں تھی۔

Champions League Gruppe E Olympiakos Piräus gegen Borussia Dortmund FLASH-GALERIE

ڈورٹمنڈ اور اولمپیاکس کے درمیان ہونے والے میچ کا منظر

یہ میچ یونانی دارالحکومت ایتھنز کے نواح میں واقع شہر پیریاس (Piraeus) کےKaraiskakis Stadium میں کھیلا گیا۔ اولمپیاکس نے ڈورٹمنڈ کے خلاف پہلا گول آٹھویں منٹ میں کیا۔ یہ گول یوزے ہولیباس (Jose Holebas) نے کیا۔ اس برتری کو ڈورٹمنڈ کی جانب سے اس کے پولستانی فارورڈ رابرٹ لیوانڈو وسکی (Robert Lewandowski) نے چھبیسویں منٹ میں برابر کردیا۔ یونانی کلب نے پہلے ہاف کے چالیسویں منٹ میں ایک بار پھر سبقت حاصل کر لی اور پھر دوسرے ہاف میں ایک اور گول سے اس نے اپنی برتری کو استحکام دے دیا۔ گروپ ایف میں جرمن کلب سب سے نچلے مقام پر ہے۔ اس نے تین میچ کھیل کر صرف ایک پوائنٹ حاصل کر رکھا ہے۔ یونانی فٹ بال کلب اولمپیاکس نے چیمپئنز لیگ میں پہلی کامیابی حاصل کی اور اس طرح اس نے تین پوائنٹ حاصل کر کے تیسرا مقام حاصل کر لیا ہے۔

چیمپئنز لیگ کے گروپ مرحلے میں کل بتیس ٹیمیں شریک ہوتی ہیں۔ ان تمام ٹیموں کو آٹھ مختلف گروپوں میں تقسیم کردیا جاتا ہے۔ ہرگروپ سے دو ٹاپ ٹیمیں دوسرے مرحلے کے لیے کوالیفائی کرتی ہیں۔کوارٹر فائنل اور سیمی فائنل مرحلے پر ٹیمیں ایک دوسرے کے خلاف دو بار کھیلتی ہیں۔ فائنل میچ انیس مئی سن 2012 کو جرمن شہر میونخ میں کھیلا جائے گا۔

رپورٹ: عابد حسین

ادارت: عدنان اسحاق

DW.COM

ویب لنکس