1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

چیمپئنز لیگ: بارسلونا نے آرسنل کو ہرا دیا

برطانوی فٹ بال کلب آرسنل کی چیمپئنز لیگ کے کوارٹر فائنل میں پہنچنے کی خواہش پوری نہ ہو سکی اور منگل کی شب کھیلے گئے ایک میچ میں ایف سی بارسلونا نے اسے ایک کے مقابلے میں تین گول سے شکست دے دی۔

default

ایف سی بارسلونا کے اسٹارز انیاسٹا ایکشن میں

آرسنل کی کوارٹر فائنل تک پہنچنے کی خواہش میں ہسپانوی کلب بارسلونا کے لیونیل میسی آڑے آ گئے۔ میسی نے میچ میں دو گول اسکور کیے۔ پچھلے سیزن کے کوارٹر فائنل میں آرسنل کی شکست کے پیچھے بھی میسی کا ہاتھ تھا۔ اس میچ میں میسی نے چار گول داغے تھے۔

Fußball Champions League FC Barcelona - Arsenal

میسی ایک مرتبہ پھر آرسنل کے لیے ڈراؤنا خواب ثابت ہوئے

اسپین میں کھیلے گئے اس میچ میں بارسلونا کی تین ایک سے فتح کے بعد مجموعی طور پر آرسنل اور بارسلونا کا اسکور چار تین ہو گیا ہے۔ اس سے قبل لندن میں کھیلے گئے پچھلے دور کے میچ میں آرسنل نے بارسلونا کو دو ایک سے ہرا دیا تھا۔

اس میچ میں بھی توقع کی جا رہی تھی کہ آرسنل بارسلونا کو ہرانے میں کامیاب ہو جائے گی تاہم میچ کے پہلے ہاف میں میسی نے ایک شاندار گول کر کے بارسلونا کو برتری دلا دی۔ اس پورے ہاف میں بارسلونا کی ٹیم چھائی رہی اور گیند زیادہ تر اسی کے پاس رہی۔

دوسرے ہاف میں کچھ دیر کے لیے یہ محسوس ہوا کہ آرسنل میچ میں واپس آ  گئی ہے۔ میچ کے ترپنویں منٹ میں آرسنل گول کرنے میں کامیاب ہو گئی تاہم یہ برتری محض عارضی ثابت ہوئی اور بارسلونا نے دوسرے ہاف میں مزید دو گول کر دیے۔

رپورٹ: شامل شمس⁄  خبر رساں ادارے

ادارت: امجد علی

DW.COM