1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

فن و ثقافت

چھپپن فیصد پاکستانی مہنگائی سے براہ راست متاثر ہوئے ہیں: گیلپ انٹرنیشنل

غیر سرکاری تنظیم گیلپ انٹرنیسنل کے ایک حالیہ سروے کے مطابق 32 فیصد پاکستانیوں نے قیمتوں میں اضافے کے سبب اشیائے خوردنوش کے استعمال میں کمی کردی ہے ۔

default

گیلپ انٹرشنل کی رپورٹ میں یہ بھی کہا گیا ہے کہ 56 فیصد پاکستانی شہری غذائی اشیاء، پیٹرول اور بجلی کی بڑھتی ہوئی قیمتوں سے براہ راست متاثر ہوئے ہیں۔ گیلپ انٹرنشنل کے مطابق دیہاتوں اور شہروں میں کئے گئے ایک سروے میں ستر فیصد لوگوں نے اشیائے خوردنوش کی قیمتوں میں اضافے کا ذمہ دار حکومتی پالیسیوں کو ٹھہرایا۔ جب کہ حکومت کا کہنا ہے کہ وہ مہنگائی پر قابو پانے کی سر توڑ کوشش کر رہی ہے۔

BdT Pakistan Lebensmittelausgabe in Lahore

جمعہ کے روز پاکستان کے صنعتی اور تجارتی شہرکراچی میں بجلی کی بڑھتی ہوئی قیمتوں کے خلاف ہڑتال کا بھی اعلان کیا گیا تھا۔ یہ اعلان مختلف سیاسی جماعتوں کی جانب سے کیا گیا تھا تاہم عوام نے اس ہڑتال سے خود کو لا تعلق رکھا البتہ نماز جمعہ کے بعد مختلف مساجد کے باہر بجلی کے نرخوں میں اضافے اور بڑھتی ہوئی مہنگائی کے خلاف احتجاجی مظاہرے کئے جائیں گے۔

دوسری جانب پاکستانی دارالحکومت اسلام آباد میں بجلی کے نر خوں پر نظر ثانی کیلئے قائم کمیٹی کے اجلاس میں فیصلہ کیا گیا ہے کہ کمیٹی کا حتمی فیصلہ آنے تک بجلی کے بلوں کا ساٹھ فیصد ادا کیا جائے گا۔

پاکستان کے مختلف شہروں میں ان دنوں بجلی کی بندش و قیمتوں میں اضافے کے حوالے سے پرتشدد احتجاج کے واقعات میں اضافہ دیکھنے میں آیا ہے۔

Audios and videos on the topic