1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

معاشرہ

چھتیس گڑھ میں بم دھماکہ، دس افراد ہلاک

بھارت میں لوک سبھا انتخابات کے چوتھے دور سے ایک روز قبل چھتیس گڑھ ریاست میں مبینہ طور پر ماؤ باغیوں کی جانب سے نصب کی گئی بارودی سرنگ کے پھٹنے سے دس افراد ہلاک ہوگئے ہیں۔

default

بھارت کی انتیس ریاستوں میں سے تیرہ کو ماؤ باغیوں کی مزاحمت کا سامنا ہے

دھماکے سے دو بھارتی فوجیوں کے ہلاک ہونے کی بھی اطلاعات ہیں۔ چھتیس گڑھ بھارت کی وسطی ریاست ہے اور یہاں بھارت کو ماؤ نوازوں کی بغاوت کا سامنا ہے۔

بھارتی خبر رساں اداروں کے مطابق لینڈ مائن پھٹنے کا یہ واقعہ چھتیس گڑھ کے بَستر علاقے کے جنوبی گاؤں میں پیش آیا۔

دھماکے کا شکار ایک گاڑی ہوئی جس میں دو سیکیورٹی اہلکاروں سمیت آٹھ عام شہری سوار تھے تاہم بعض اطلاعات کے مطابق ہلاک ہونے والوں میں چار اسپیشل پولیس اہلکار بھی تھے جو ماؤ نوازوں کی مزاحمت سے نمٹنے کے لیے علاقے میں معمور تھے۔

Wahlen in Indien

بھارتی انتخابات تیرہ مئی تک مکمل ہو جائیں گے

واضح رہے کہ انتخابات کے گزشتہ تین ادوار میں بھی ماؤ باغیوں کی جانب سے پر تشدّد کارروائیں دیکھنے میں آئیں جب کہ جمعرات کے روز بہار اور مغربی بنگال میں ہونے والے انتخابات میں بھی ماؤ باغی کارروائیں کرتے رہے ہیں۔

بھارتی انتخابات تیرہ مئی تک مکمل ہو جائیں گے جس کے تین روز کے بعد ووٹوں کی گنتی مکمل ہونے پر انتخابی نتائج کا اعلان کردیا جائے گا۔

بھارتی حکّام کے مطابق بھارت کی انتیس ریاستوں میں سے تیرہ کو ماؤ باغیوں کی مزاحمت کا سامنا ہے۔ ماؤ باغی بھارت میں جمہوری نظام کے مخالف ہیں اور وہ ماضی میں بھی انتخابی عمل کو نقصان پہنچانے کی کوششیں کرتے رہے ہیں۔

اب تک کے انتخابی مراحل کے دوران مختلف پر تشدّد واقعات میں تیس افراد ہلاک ہوچکے ہیں جن میں سے سترہ سولہ اپریل کو انتخابات کے پہلے دور میں ہی ہلاک کردیے گئے تھے۔