1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

چنئی ٹسیٹ: جارحانہ سہواگ کے بلے نے بھارت کوبل دیا

بھارتی کرکٹ ٹیم نے انگلینڈ کے خلاف پہلے ٹیسٹ میچ کے چوتھے دن کے کھیل کے اختتام تک وریندر سہواگ کی جارحانہ بیٹنگ کی بدولت ایک وکٹ کے نقصان پر 131 رن بنا لئے ہیں اور اب اسے میچ جیتنے کے لئے مزید 256 رنوں کی ضرورت ہے۔

default

چنئی ٹیسٹ میچ کی دوسری اننگز میں وریندر سہواگ نے 68 گیندوں میں 83 رن بناکر میچ کو دلچسپ بنادیا ہے

کل پیر کو کھیل کا آخری دن ہے اور بھارت کے پاس ابھی نو وکٹیں محفوظ ہیں۔ بھارتی شہر چنئی کے چدم برم سٹیڈیم میں کھیلے جارہے اس ٹیسٹ میچ میں انگلینڈ نے اینڈریو سٹراس اور پال کالنگ ووڈ کی سنچریوں کی مدد سے اپنی دوسری اننگز میں 311 رنز سکور کئے۔

Paul Collingwood England Cricket

انگلینڈ کے پال کالنگ ووڈ نے دوسری اننگز میں شاندار سنچری سکور کی

انگلینڈ نے نو وکٹوں کے نقصان پر اپنی اننگز ڈکلئیر کردی اور اس طرح بھارت کو میچ جیتنے کے لئے 387 رنوں کا بظاہر مشکل ٹارگیٹ دیا۔ لیکن بھارتی افتتاحی بلے باز وریندر سہواگ نے ون ڈے کے انداز میں اپنا جارحانہ کھیل پیش کیا۔ سہواگ نے محض 68 گیندوں پر 83 رنز بنالئے اور بالآخر وہ Swann کی گیند پر lbw آوٴٹ ہوگئے۔ چوتھے دن کا کھیل ختم ہونے پر کریز پر گوتم گھمبیر اکتالیس اور راہُل ڈراوڈ دو رنز بناکر ناٹ آوٴٹ تھے۔

Kevin Pieterson

کپتان کیون پیٹرسن دونوں ہی اننگز میں کسی خاطر خواہ کارکردگی کا مُظاہرہ نہیں کرسکے

انگلینڈ کی طرف سے افتتاحی بیٹسمین اینڈریو سٹراس نے چنئی ٹیسٹ کی دونوں ہی اننگز میں سنچریاں سکور کیں۔

اس سے قبل انگلینڈ ٹیم نے بھارت کے خلاف پہلے ٹیسٹ میچ کے تیسرے روز کے کھیل کے اختتام تک تین وکٹوں کے نقصان پر172رن اسکور کئے اور اس طرح مجموعی طور پر بھارت پر247 رنوں کی سبقت حاصل کرلی تھی۔

بھارت کی پوری ٹیم اپنی پہلی اننگز میں محض 241 رنوں پر آوٴٹ ہوگئی تھی۔ بھارتی وکٹ کیپر کپتان مہیندر سنگھ دھونی 53 اور آف اسپنر ہربھجن سنگھ چالیس رنوں کے ساتھ اپنی ٹیم کے لئے ٹاپ اسکورر رہے۔ انگلینڈ کی طرف سے اینڈریو فلینٹاف اور مونٹی پینیسار نے تین تین وکٹ لئے۔

انگلینڈ کی دوسری اننگز میں بھی کپتان کیون پیٹرسن کوئی خاطر خواہ کارکردگی دکھانے میں ناکام ہوئے جبکہ ائین بیئل کی خراب فارم کا سلسلہ بدستور جاری ہے۔