1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

معاشرہ

’پیک مین‘ گیم کے خالق کا انتقال

پیک مین گیم کے خالق جاپانی شہری ماسایا ناکامورا 91 برس کی عمر میں انتقال کر گئے ہیں۔  ناکامورا نامکو کمپنی کے سابق چیرمین تھے۔ ان کی موت کی وجہ اب تک نہیں بتائی گئی۔

ناکامورا نے نامکو کمپنی کی بنیاد سن 1955 میں رکھی تھی۔  انہوں نے  اپنے پیشہ وارانہ کام کا آغاز جاپان میں مختلف ڈپارٹمنٹ اسٹورز کے لیے کام کرنے سے شروع کیا۔ انہوں نے سن  1980 میں اپنی کمپنی سے گیم ’پیک مین‘ لانچ کی۔ اس گیم کو ان کی کمپنی کے انجینیئر ٹورو آواٹانی نے ڈیزائین کیا تھا۔  یہ گیم عالمی سطح پر انتہائی مقبول ہوا، جس کے بعد  ناکامورا کو پیک مین کے خالق کے طور پر جاننا شروع کر دیا گیا۔

Computerspiel Pacman (ATARI)

ایک وقت تھا جب پیک مین کا شمار گینس بک آف ریکارڈز میں دنیا کی سب سے کامیاب ’آرکیڈ گیمز‘ کے طور پر تھا

ناکامورا نے چند برس قبل ’پیک مین میوزیم‘ کو انٹرویو دیتے ہوئےکہا تھا کہ انہیں توقع نہیں تھی کہ یہ گیم اتنا مقبول ہو جائے گا۔ ناکامورا اس گیم کی کامیابی سے خوش تو تھے لیکن فکرمند بھی تھے کہ لوگ بہت زیادہ وقت اس گیم کو کھیلنے میں صرف کر دیتے ہیں۔ انہوں نے کہا تھا،’’ یہ کوئی خوش آئند بات نہیں ہے کہ وہ اس گیم پر اتنا وقت صرف کر دیتے ہیں۔ اس گیم کے ایک خاص لیول تک پہنچنے کے بعد یہ گیم نوجوانوں کے لیے نقصان دہ ہوسکتی ہے۔‘‘

ایک وقت تھا جب پیک مین کا شمار گینس بک آف ریکارڈز میں دنیا کی سب سے کامیاب ’آرکیڈ گیمز‘ کے طور پر تھا۔ ناکامورا 24 دسمبر سن 1925 میں ٹوکیو میں پیدا ہوئے تھے۔