1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

معاشرہ

پوپ فرانسس نے دورہ پاکستان کی دعوت قبول کر لی

کیتھولک مسیحیوں کے روحانی پیشوا پوپ فرانسس نے وزیراعظم نواز شریف کی جانب سے دورہء پاکستان کی دعوت قبول کر لی ہے۔ اس بات کی تصدیق ویٹیکن کی جانب سے جاری کردہ ایک پیغام میں کی گئی ہے۔

پاکستان کے وزیر برائے پورٹس اینڈ شپنگ سینیٹر کامران مائیکل اور مذہبی امور کے وزیر سردار محمد یوسف نے ویٹیکن دورہ کے دوران وزیراعظم نواز شریف کی جانب سے پوپ فرانسس کو پاکستان آنے کی دعوت دی تھی، جسے پوپ فرانسس کی جانب سے قبول کر لیا گیا ہے۔

اس موقع پر کیتھولک مسیحیوں کے روحانی پیشوا نے پاکستان اور دہشت گردانہ حملوں میں ہلاک ہونے والے پاکستانیوں کے لیے خصوصی دعا بھی کی۔

آخری مرتبہ پوپ جان پال 2 نے سن 1981 میں پوپ کی حیثیت سے پاکستان کا دورہ کیا تھا۔

کامران مائیکل کے مطابق پوپ فرانسس کے پاکستان دورے سے ہولی سی اور پاکستان کے تعلقات میں بہتری آئے گی۔ انہوں نے کہا کہ پوپ کے دورہ پاکستان کی تاریخیں پوپ کا شیڈول دیکھ کر طے کی جائیں گی۔

DW.COM