1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

پوپ دورہ جرمنی کے منتظر ہیں

کیتھولک مسیحیوں کے روحانی پیشوا پوپ بینیڈیکٹ شانزدہم اپنے وطن جرمنی کے دورے کے منتظر ہیں۔ ان کا یہ بیان ایک جرمن ٹی وی چینل پر نشر ہوا۔ پوپ کا یہ چار روزہ دورہ جمعرات سے شروع ہو گا۔

default

پوپ نے جرمن ٹی وی چینل پر گزشتہ پچاس برس سے نشر ہونے والے ایک پروگرام، جس میں پاسچر یا پریسٹ وعظ کرتے ہیں، میں پوپ بینیڈکٹ کا بیان جاری کیا گیا۔ بیان میں پوپ کا کہنا تھا کہ اس دورے کا مقصد، ’زندگی کے ہر شعبے میں خدا کو مدد کی دعوت دینا ہے۔‘

پوپ اپنے اس دورے میں اتوار کے روز تک جرمنی میں قیام کریں گے۔ واضح رہے کہ پوپ بینیڈیکٹ شانزدہم کا تعلق جرمنی سے ہے۔

Deutschland Papst Benedikt in Köln Weltjugendtag 2005

پوپ بینیڈیکٹ اس سے قبل ایک دورے کے دوران جرمن شہر کولون میں

پوپ کا کسی ٹی وی چیبنل پر اس طرح کا بیان شاذ و نادر ہی دیکھنے میں آتا ہے۔ جرمن پبلک سروس ٹی وی چینل ARD پر نشر ہونے والے ہفتہ وار پروگرام "Das Wort zum Sonntag" یعنی اتوار کے دن کا لفظ نامی پروگرام میں اس سے قبل پوپ جان پال دوئم سن 1987ء میں شامل ہوئے تھے۔

پوپ بینیڈیکٹ شانزدہم نے اس پروگرام میں اپنی گفتگو کے آغاز ہی میں کہا کہ میں اس دورے کے حوالے سے انتہائی خوشی محسوس کر رہا ہوں۔ پوپ کی یہ چار منٹ دورانیے کی گفتگو ویٹیکن میں ریکارڈ کی گئی تھی۔ پوپ جرمنی کے اپنے اس دورے میں پروٹیسٹنٹ چرچ کے نمائندہ افراد سے بھی ملاقات کریں گے۔ اس حوالے سے وہ جرمن شہر ایرفُرٹ کا دورہ بھی کریں گے۔ پوپ نے کہا کہ ایرفُرٹ ہی وہ شہر ہے، جہاں مارٹن لوتھر نے ’اپنے راستے کا انتخاب کیا تھا۔‘

اپنی گفتگو میں پوپ بینیڈیکٹ کا کہنا تھا، ’ہم کسی سنسنی خیزی کی توقع نہیں کرتے۔اہم بات یہ ہے کہ ہم مل کر سوچیں اور خدا کے لفظوں کو سنیں اور اس کی حمد کریں، اس امید کے ساتھ کہ یہ صلح کل ہے۔‘‘

انہوں نے یہ بات زور دے کر کہی کہ ان کے اس دورے میں ہجوم اور عقیدت مندوں کا ساتھ ثانوی نوعیت کا ہو گا۔ ’یہ کوئی مذہبی سیاحتی دورہ نہیں۔ اصل مقصد یہ باور کرانا رہے گا کہ جہاں خدا ہے، مستقبل بھی وہیں ہے۔‘

رپورٹ: عاطف توقیر

ادارت: حماد کیانی

DW.COM