1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

پونے میں ’جرمن بیکری‘ میں بم دھماکہ، آٹھ افراد ہلاک

بھارتی شہر پونے میں ایک بم دھماکے میں کم از کم آٹھ افراد ہلاک ہو گئے ہیں۔ یہ دھماکہ اوشو آشرم کے قریب ’جرمن بیکری‘ میں ہوا۔ یہ علاقہ غیرملکیوں میں مقبول ہے۔ غیرملکیوں کی ہلاکتوں کے بارے میں متضاد اطلاعات ہیں۔

default

بعض ذرائع نے غیرملکیوں کی ہلاکتوں کی تعداد چار تک بتائی ہے۔ تاہم سیکریٹری داخلہ جی کے پلائی کا کہنا ہے کہ ایک غیرملکی ہلاک اور ایک زخمی ہے۔ ہلاک ہونے والے کی قومیت ابھی تک پتا نہیں چل سکی۔

پونے پولیس کے جوائنٹ کمشنر راجندر سوناوانے کے مطابق اس بم دھماکے کے نتیجے میں آٹھ افراد ہلاک اور 33 زخمی ہوئے۔ ہلاک ہونے والوں میں چار غیر ملکی بھی شامل ہیں۔

یہ دھماکہ نومبر 2008ء میں ممبئی میں ہونے والے حملوں کے بعد بھارت میں ہونے والا پہلا بڑا دہشت گردانہ حملہ ہے۔ ممبئی میں اس وقت دو فائیو اسٹار ہوٹلوں سمیت مختلف مقامات پر حملوں میں 166 افراد ہلاک ہوئے تھے۔

مقامی میڈیا نے قبل ازیں بتایا تھا کہ ’جرمن بیکری‘ میں دھماکہ گیس سلنڈر پھٹنے سے ہوا۔

یہ دھماکہ مقامی وقت کے مطابق شام سوا سات بجے ہوا۔ اس وقت بیکری میں خریداری کے لئے بڑی تعداد میں غیرملکی اور سیاح جمع تھے۔

بیکری کے ایک ملازم ونود دھالے کا کہنا ہے کہ یہ دھماکہ اس قدر زور دار تھا کہ مرنے والوں کے پرخچے اڑ گئے۔

رپورٹ: ندیم گِل/خبررساں ادارے

DW.COM