1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

پنجاب میں گورنر راج کے خاتمے کا نوٹیفیکشن جاری کر دیا گیا

پاکستانی صدر آصف علی زرداری کی جانب سے پنجاب میں گورنر راج کے خاتمے کی سمری منظور کئے جانے کے بعد حکومت نے باقاعدہ نوٹیفیکیشن جاری کر دیا ہے جس کے بعد گورنر نے صوبائی اسمبلی کا اجلاس بدھ کے روز طلب کر لیا ہے۔

default

زرداری نے پنجاب میں حکومت سازی کے لئے نواز لیگ کو غیر مشروط تعاون کی بھی یقین دہانی کرائی

صدر آصف علی زرداری نے پنجاب میں پچیس فروری سے نافذ گورنر راج کے خاتمے کی سمری پر دستخط کر دئیے جس کے بعد وفاقی حکومت نے باقاعدہ نوٹیفیکیشن جاری کر دیا۔

صدر آصف علی زرداری نے پارلیمنٹ کے مشترکہ اجلاس سے خطاب کے دوران وفاقی حکومت کو گورنر راج کے خاتمے کی سفارش کی تھی۔ گورنر راج کے خاتمے کے بعد اگر صوبائی اسمبلی کے اجلاس سے قبل سپریم کورٹ شریف برادران کی نا اہلی کے مقدمہ میں کوئی فیصلہ نہیں سناتی تو اسمبلی کے اجلاس میں قائد ایوان کا انتخاب ہو گا۔ گورنر راج کے خاتمے کا نوٹیفیکیشن جاری ہوتے ہی وفاقی حکومت نے شہباز شریف کے ساتھ کام کرنے والی سرکاری افسروں کی ٹیم کا لاہور واپس تبادلہ کر دیا ہے۔

DW.COM