1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

پنجاب حکومت بحال، شہباز شریف پھروزیراعلیٰ

پاکستانی سپریم کورٹ کے پانچ رکنی لارجر بنچ نے تین رکنی لارجر بنچ کے فیصلے کے خلاف حکم امتناعی جاری کردیا ہے اور وزیر اعلیٰ شہبازشریف سمیت پنجاب حکومت کو بحال کردیا ہے۔

default

میاں نواز شریف اور میاں شہباز شریف اپنی جماعت کے کارکنوں سے گفتگو کے دوران

پنجاب میں گزشتہ روز ایک ماہ اور آٹھ دن کے بعد گورنر راج اٹھایاگیا تھا ۔سپریم کورٹ کے فیصلے میں اگر حکم امتناعی جاری نہ ہوتا تو بدھ کو پنجاب اسمبلی کا اجلاس طلب کرکے اکثریت ثابت کرنے والی پارٹی کو حکومت بنانے کی دعوت دی جاتی تاہم اب حکم امتناعی جاری ہونے کے بعد بدھ کو پنجاب اسمبلی کا اجلاس معمول کے مطابق ہوگا۔

شہبازشریف اب پچیس فروری سے پہلے کی پوزیشن پر اپنے فرائض سنبھالیں گے اور اس کے ساتھ ہی دیگر اراکین بھی اپنی پوزیشنز سنبھال لیں گے۔

جسٹس تصدق حسین جیلانی نے حکم امتناعی جاری کرتے ہوئے سپریم کورٹ کے گزشتہ فیصلے جس میں شہبازشریف کو نااہل قرار دیا گیا تھا پرعملدرآمد روک دیا گیا ہے۔