1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

پشاور میں خودکش دھماکا، متعدد ہلاک و زخمی

 پاکستان کے شمال مغربی شہر پشاور میں ایک خودکش حملہ کیا گیا ہے جس میں دو افراد کے ہلاک ہونے کی اطلاعات ہیں۔ اس حملے نے پاکستان میں ایک مرتبہ پھر دہشت گردانہ کارروائیوں کا خطرہ بڑھا دیا ہے۔

پاکستانی نیوز چینل جیو کے مطابق پشاور کے ایس ایس پی آپریشنز کا کہنا ہے کہ ایک موٹر سائیکل سوار خودکش حملہ آور نے وین کو نشانہ بنایا۔ اس حملے میں وین کا ڈرائیور ہلاک ہو گیا ہے۔ خیبر پختونخوا کے مشیر اطلاعات مشتاق غنی کا کہنا ہے کہ وین میں عدالتی عملے کے ارکان سوار تھے۔ سی سی پی او پشاور کے مطاق خودکش بمبار کا سر اور ٹانگیں مل گئی ہیں۔

پاکستان تحریک انصاف کے سربراہ عمران خان نے کہا ہے کہ اس واقعے کے تمام پہلوؤں کا جائزہ لینا ہوگا، اور ذمہ داروں کو کٹہرے میں لایا جائے گا۔ انہوں نے کہا،’’بزدلانہ کارروائیاں ہمارا عزم متزلزل نہیں کر سکتیں۔‘‘

پشاور کے ایک پولیس اہلکار کے مطابق اس حملے میں زخمی ہونے والوں میں جج اور خواتین بھی شامل ہیں۔