1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

پشاور میں خودکش بمبار کی کارروائی: کم از کم چار ہلاک

پاکستان کے شمال مغربی صوبے خیبر پختونخوا کے مرکزی شہر میں ایک خودکش بمبار کی کارروائی میں چار پولیس اہلکار ہلاک ہو گئے ہیں۔ حکام نے ہلاکتوں میں خدشے کا اظہار کیا جا رہا ہے۔

default

پاکستانی صوبے خیبر پختونخوا کے مرکزی شہر پشاور میں ایک خود کش بم حملے میں کم از کم چار پولیس اہلکاروں کی ہلاکت کی تصدیق کردی گئی ہے۔ یہ خود کش بمبار کی کارروائی پیر بالا مقام پر قائم پولیس چوکی پر کی گئی۔ اس واقعہ میں دیگر چھ پولیس اہلکاروں کے زخمی ہونے کی بھی اطلاعات ہیں۔

Anschläge in Pakistan

پشاور کو عسکریت پسند مسلسل دہشت گردانہ حملوں کا نشانہ بنا رہے ہیں

پشاور شہر کے پولیس سربراہ نے میڈیا کو بتایا کہ بارود سے بھری گاڑی کو خود کش بمبار نے ایک پولیس چوکی سے ٹکرا دیا۔ زوردار دھماکے کی آواز دور دور تک سنائی گئی۔ اس حملے کے نتیجے میں پولیس چوکی سے ملحقہ عمارتوں کو بھی شدید نقصان پہنچا ہے۔ امدادی کارروائی کا سلسلہ شروع کر دیا گیا ہے۔ اس حملے کے بعد علاقے میں خوف ہراس کی فضاء پیدا ہو گئی ہے۔ متاثرہ مقام کوسیکیورٹی اہلکاروں کو اپنے گھیرے میں لے کر تفتیشی عمل شروع کر دیا ہے۔

پولیس نے اس شبے کا بھی اظہار کیا ہے کہ بارود سے بھری گاڑی کو خودکش حملہ آور شہر کے اندر لے جانے کی کوشش میں تھا، سیکیورٹی اور ناکوں کی وجہ سے جب اُس کو شہر میں داخل ہونے میں ناکامی ہوئی تو اُس نے گاڑی پیر بالا میں قائم پولیس چوکی کی عمارت سے جا ٹکرائی۔ واقعے میں زخمی ہونے والوں کو قریبی ہسپتال میں منتقل کر دیا گیا ہے۔

رپورٹ : عابد حسین

ادارت : عاطف توقیر

ملتے جلتے مندرجات