1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

پشاور بم حملہ: ہلاک شدگان کی تعداد 21، ایک سو زخمی

پاکستان کے شورش زدہ صوبہ سرحد کے دارالحکومت پشاور میں ہونے والے بم حملے میں ہلاک شدگان کی تعداد اب 21 ہوگئی ہے جبکہ مقامی ذرائع کے مطابق 100 سے زائد افراد زخمی ہیں۔

default

پشاور بم حملے میں مرنے والوں کی تعداد اکیس ہوگئی ہے

پشاور بم حملے میں مرنے والوں میں تین بچّے اور چار خواتین شامل بتائے جاتے ہیں۔ جمعہ کے روز ہونے والے اس بم دھماکے میں زخمی ہونے والے تمام افراد کو ہسپتالوں میں داخل کرلیا گیا ہے۔ مقامی ذرائع نے ڈاکٹروں کا حوالہ دیتے ہوئے کہا کہ زخمیوں میں کم از کم پندرہ کی حالت تشویشناک ہے تاہم ڈاکٹروں کے مطابق پشاور کے اہم ہسپتال میں ایمرجنسی بنیادوں پر زخمیوں کا علاج جاری ہے۔ ڈاکٹروں نے توقع ظاہر کی ہے کہ وہ تمام زخمیوں کی جان بچانے میں کامیاب ہوجائیں گے۔

Chaos und Gewalt in Pakistan Besetzte Polizeistation nahe der afghanischen Grenze Musharraf verhängt Ausnahmezustand in Pakistan

کسی بھی عسکری گروپ نے پشاور دھماکے کی ذمہ داری قبول نہیں کی

پشاور میں مقیم ’ڈان نیوز‘ سے وابستہ صحافی سید عرفان اشرف نے ڈوئچے ویلے کو بتایا کہ صوبے کے مختلف علاقوں سے ہنگامی بنیادوں پر ڈاکٹروں کو پشاور بلایا گیا تاکہ زخمیوں کا بروقت علاج ہوسکے۔

تاحال کسی بھی عسکری گروپ نے پشاور دھماکے کی ذمہ داری قبول نہیں کی ہے۔ سید عرفان کے مطابق فرقہ وارانہ حملوں کی اکثر کوئی بھی عسکری تنظیم ذمہ داری قبول نہیں کرتی ہے۔

DW.COM

Audios and videos on the topic