1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

سائنس اور ماحول

پرانی گاڑی اور کچھ پیسے دیجیے، نئی گاڑی لیجیے

کارساز ادارہ فورڈ برطانیہ میں پرانی گاڑی اور دو ہزار پاؤنڈ کے عوض ضرر رساں گیسوں کا کم اخراج کرنے والی نئی گاڑیوں کی فروخت شروع کر رہا ہے۔

منگل کے روز اس نئی پیش کش کا اعلان کیا گیا ہے، جس کے تحت خریدار 31 دسمبر 2009 سے پہلے رجسٹرڈ کی جانے والی تمام گاڑیاں دے کر نئی اور کم آلودگی پیدا کرنے والی گاڑیاں خرید سکتے ہیں۔ فورڈ ان پرانی گاڑیوں کو خرید کر تلف کرنے کا منصوبہ رکھتی ہے۔ اس منصوبے کا مقصد پرانی گاڑیوں کی وجہ سے دھوئیں اور ضرر رساں گیسوں کے اخراج میں کمی کرنا ہے۔

Großbritannien Neue Nutzung für alte Tankstellen (Reuters/T. Melville)

پرانی گاڑیاں خرید کر تلف کر دی جائیں گی

فورڈ کی جانب سے یہ اعلان ایک ایسے موقع پر سامنے آیا ہے، جب مختلف حکومتیں فضائی آلودگی میں کمی کے لیے کارساز اداروں اور خصوصاﹰ ڈیزل انجنوں کے استعمال پر دھیرے دھیرے اپنی پالیسیاں سخت بنا رہی ہیں۔ کارساز ادارے اسی تناظر میں الیکٹرک گاڑیوں جیسی نئی ٹیکنالوجی میں بھی بھرپور سرمایہ کاری کر رہی ہیں، تاکہ اپنے مستقبل کو محفوظ بنا سکیں۔

برطانیہ میں کارساز ادارے فورڈ کے مینیجنگ ڈائریکٹر اینڈی باراٹ کے مطابق پرانی گاڑیوں کو سڑکوں سے ہٹانے کےنتیجے میں ہوا کے معیار پر فوری اور مثبت اثرات سامنے آئیں گے۔ ’’ہم یہ یقینی بنائیں گے کہ پرانی گاڑیاں خرید کر انہیں مکمل طور پر تلف کیا جا چکا ہے۔‘‘

انہوں نے کہا کہ اس طرح مل کر کام کرنے سے مختلف اضلاع اور شہروں میں آلودگی پیدا کرنے والی ایسی لاکھوں گاڑیوں کا خاتمہ ممکن ہو گا۔