1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

پاک بھارت مذاکرات ختم: مکالمت کے تسلسل پر اتفاق

پاکستان اور بھارت نے جموں وکشمیر سمیت دو طرفہ تصفیہ طلب امور پر تعمیری اور مشبت مذاکرات جاری رکھنے پر اتفاق کیا ہے۔

default

اس بات چیت میں کوئی نئی اور بہت بڑی پیش رفت تو نہیں ہوئی تاہم اس امر پر اتفاق ہو گیا کہ دونوں ہمسایہ ریاستیں یہ بات چیت جاری رکھیں گی۔ اگلے مہینے نئی دہلی میں دونوں ملکوں کے مابین وزارتی سطح کی مکالمت سے قبل خارجہ سیکرٹریوں کی اس گفتگو کا نیا دور عمل میں آئے گا۔

اسلام آباد میں ان مذاکرات میں بھارتی وفد کی سربراہی خارجہ سیکرٹری نروپما راؤ نے جبکہ پاکستانی وفد کی سربراہی سلمان بشیر نے کی۔ ان مذاکرات کے بعد جاری کیے گئے اعلامیے میں کہا گیا کہ دونوں ملکوں کے ان اہلکاروں کے درمیان دو روزہ مذاکرات خوشگوار ماحول میں ہوئے۔ اعلامیے کے مطابق دونوں ممالک کی خارجہ امور کی وزارتوں کے یہ اعلیٰ اہلکار اپنی اگلی ملاقات میں تجارت اور سفری سہولیات جیسے موضوعات پر بھی گفتگو کریں گے۔

ان مذاکرات کے بارے میں اسلام آباد سے شکور رحیم کی ارسال کردہ رپورٹ آپ نیچے دیے گئے آڈیو لنک کی مدد سے سن سکتے ہیں۔

رپور‌ٹ: عصمت جبیں

ادارت: امجد علی

DW.COM

ویب لنکس

Audios and videos on the topic