1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

پاکستان ہاکی: چار سالہ پروگرام

پاکستان ہاکی فیڈریشن کے سیکریٹری آصف باجوہ نے ہاکی کے فروغ کے لئے چار سالہ پروگرام کا اعلان کر دیا۔

default

ہاکی کلب آف پاکستان اسٹیڈیم کراچی میں نیوز کانفرنس سے خطاب کرتے ہوئے آصف باجوہ کا کہنا تھا کہ ہر پاکستانی کی خواہش ہے کہ زوال کا شکار قومی کھیل ہاکی کو دوبارہ وننگ ٹریک پر لایا جائے۔ انہوں نے کہا کہ ہاکی کے فروغ کے لئے ان اقدامات کا فیصلہ کیا گیا ہے کہ نوجوان، ہاکی کھیلنے میں فخر محسوس کریں۔

آصف باجوہ نے بتایا کہ پی ایچ ایف نے لاہور اور کراچی کی مرکزی ہاکی اسٹیڈیم کو ختم کر کے ریجنل گرومنگ سینٹر کے قیام کا فیصلہ کیا ہے۔ انہوں نے کہا کہ آئندہ سال سپر لیگ ہاکی ایونٹ پر دوبارہ غیر ملکی کوچز کی خدمات حاصل کرنے کے لئے آسٹریلیا اور ہالینڈ کے کوچز سے بات جاری ہے۔ انہوں نے کہا کہ اسکول اور کلب کی سطح پر منظم انداز میں مقابلوں کے انعقاد کا فیصلہ کیا ہے۔ دونوں سطح کی قومی چیمپئن ٹیم کو بیرون ملک بھیجا جائے گا۔