1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

پاکستان کے لئے اب تک کے بڑے امداد دہندگان

کروڑوں پاکستانیوں اور ملکی صنعت و معیشت کے لئے تباہ کن ثابت ہونے والے سیلابوں کے اثرات سے نمٹنے کے لئے منگل کے روز تک متاثرین کے لئے 800 ملین یورو مہیا کئے جا چکے تھے یا ان کی فراہمی کی یقین دہانی کرائی جا چکی ہے۔

default

پاکستان کو800 ملین ڈالر کی امداد مل چکی ہے

پاکستان کی تاریخ کے ان شدید ترین سیلابوں نے کُل 20 ملین سے زائد انسانوں کو متاثر کیا، چار ملین سے زائد بے گھر ہو گئے اور اب تک اس قدرتی آفت کے باعث ڈیڑھ ہزار سے زائد افراد ہلاک بھی ہو چکے ہیں۔

اس تباہ کن اور ناگہانی آفت کے نتیجے میں حکومت پاکستان اور اقوام متحدہ کے علاوہ جن بڑے بڑے بین الاقوامی اداروں نے متاثرین کی زیادہ سے زیادہ مالی امداد کے لئے فوری اپیلیں کیں، ان کے اب تک خاطر خواہ نتائج برآمد ہو چکے ہیں۔

Pakistan Hochwasser Flut

سیلابوں سے 20 ملین سے زائد افراد متاثر

خبر ایجنسی روئٹرز کے مطابق منگل 24 اگست تک پاکستان کو مختلف ملکوں اور بین الاقوامی اداروں کی جانب سے 800 ملین ڈالر سے زائد کی جو امداد مل چکی ہے یا جس کی فراہمی کی یقین دہانی کرائی جا چکی ہے، اس میں سرفہرست امریکہ ہے، جو تاحال 102 ملین ڈالر مہیا کر چکا ہے۔

امریکہ کے بعد سعودی عرب کا نام آتا ہے، جس نےتقریباﹰ 75 ملین ڈالر کی امداد دی ہے۔ تیسرے نمبر پر برطانیہ کی جانب سے مہیا کردہ ہنگامی امداد ہے، جس کی مالیت 65 ملین ڈالر کے قریب بنتی ہے۔ یورپی کمیشن اب تک 54 ملین ڈالر سے زائد کی مالی مدد فراہم کر چکا ہے جبکہ آسڑیلیا بھی سیلابی متاثرین کے لئے قریب 32 ملین ڈالر مہیا کر چکا ہے۔

Pakistan Überschwemmung

امداد کی صحیح تقسیم ایک بڑا مسئلہ

مختلف امدادی اداروں اور ملکوں کی طرف سے اقوام متحدہ کے انسانی بنیادوں پر امداد کے رابطہ دفتر کو مہیا کردہ اعداد و شمار کے مطابق پاکستانی سیلاب زدگان کے لئے خود اقوم متحدہ کے ہنگامی رد عمل کے فنڈ سے 16.6 ملیں ڈالر دئے گئے۔ اس کے بعد ناروے اور جاپان کے نام آتے ہیں، جن میں سے ہر کوئی اب تک قریب پندرہ پندرہ ملین ڈالر پاکستان کو دے چکا ہے۔

اس کے علاوہ بڑے امداد دہندگان کی فہرست میں آگے چل کر جن ملکوں کے نام آتے ہیں، ان میں سے جرمنی قریب 14 ملین ڈالر، ترکی قریب 12 ملین ڈالر، اور ڈنمارک بھی قریب اتنی ہی رقم مہیا کر چکا ہے۔

دیگر ملکوں میں سے پاکستان کو اب تک سویڈن کی طرف سے دس ملین، چین کی طرف سے 9.3 ملین، سپین کی طرف سے آٹھ ملین ڈالر سے زائد اور فن لینڈ کی جانب سے قریب چھ ملین ڈالر کی مالی امداد فراہم کی جا چکی ہے۔

رپورٹ: عصمت جبیں

ادارت: مقبول ملک

DW.COM

ویب لنکس