1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

پاکستان کےخلاف سیریز کے لئے آسٹریلوی ٹیم کا اعلان

آسٹریلیا نے پاکستان کے خلاف متحدہ عرب امارات میں ہونے والی سیریز کے لئے چودہ رکنی ٹیم کا اعلان کر دیا ہے۔ رکی پونٹنگ، مائیکل ہسسی اور مچل جانسن کو ٹوئنٹی ٹوئنٹی ورلڈ کپ اور ایشیز کے لئے آرام دیا گیا ہے۔

default

آسٹریلیا کے نامور بلے باز رکی پونٹنگ

فاسٹ بولر بریٹ لی اور آل راؤنڈرز اینڈڑیو سائمنڈز اور شین واٹسن کی ٹیم میں واپسی ہوئی ہے۔ بریٹ لی، واٹسن ان فٹ ہو نے کی وجہ سے اور سائمنڈز تادیبی کاروائی کی وجہ سے کرکٹ سے دور تھے۔ پاکستان اور آسٹریلیا کے درمیان بائیس اپریل سے سات مئی تک پانچ ون ڈے اور ایک ٹوئنٹی ٹوئنٹی میچز کھیلے جائیں گے۔

آسٹریلیا کی ٹیم میں مائیکل کلارک، بڑید ہیڈن، ناتھن بریکن، کالم فرگوسن، بریت جیوز، ناتھن ہارٹز، بین ہلفن ہاس، جیمز ہوپس، ڈیود ہسسی، بین لافلن، شان مارش، بریٹ لی، اینڈڑیو سائمنڈز اور شین واٹسن شامل ہیں۔

Cricket Andrew Symonds

اینڈریو سائمنڈز کی بھی ٹیم میں واپسی ہو گئی ہے

آسٹریلیا کے خلاف متحدہ عرب امارت میں منعقدہ پانچ ون ڈے میچز اور ایک 20 ٹونٹی کرکٹ میچ پر مبنی سیریز کے شیڈول کا اعلان پہلے ہی کیا جا چکا ہے۔

شیڈول کے مطابق پاکستان ٹیم 22 اور24 اپریل کو دو ون ڈے میچزدوبئی میں اور27 اپریل، یکم مئی اور 3 مئی کوتین ون ڈے میچز ابوظہبی میں کھیلے گی جبکہ سیریز کا واحد ٹونٹی20 میچ، 7مئی کو دوبئی میں کھیلا جائے گا