1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

پاکستان کی فتح شکست میں تبدیل

گالے میں کھیلے جانے والے پہلے کرکٹ ٹیسٹ میچ میں سری لنکا نے پاکستان کو پچاس رنز سے شکست دے دی۔گال اسٹیڈیم میں پہلے ٹیسٹ کے چوتھے روز جب میچ شروع ہوا تو پاکستانی ٹیم فتح کے تعاقب میں ایک سو سترہ رنز بناکر آؤٹ ہوگئی۔

default

سری لنکا نے پاکستان کی یقینی فتح کو مکمل شکست میں تبدیل کر دیا

پاکستانی ٹیم کو پہلے ٹیسٹ میچ میں فتح کے لئے صرف ستانوے رنز درکار تھے اور اس کی آٹھ وکٹیں باقی تھیں لیکن دن کے آغاز سے ہی سری لنکن باؤلرز پاکستانی بیٹسمینوں پر حاوی نظر آئے اور کوئی بھی پاکستانی بیٹسمین جم کر سری لنکن باؤلرز کا سامنا نہیں کرسکا۔

پاکستان کے بیٹسمین محمد یوسف بارہ ، سلمان بٹ اٹھائیس،مصباح الحق سات، شعیب ملک صفر، کامران اکمل چھ، عبدالرؤف تیرہ، عمر گل نو، محمد عامر چھ رنز بناکر آؤٹ ہوگئے۔سری لنکا کی جانب سے کامیاب باؤلر ہیراتھ رہے جنہوں نے چار کھلاڑیوں کو آؤٹ کیا جبکہ مینڈس اور تھوسارا نے دو ، دو اور میتھیوز نے ایک کھلاڑی کو آؤٹ کیا۔

خبر رساں ادارے

ادارت عاطف توقیر