1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

’پاکستان کی بہو اسلام آباد پہنچ گئیں‘

پاک بھارت امن کے سفیر کی حیثیت دھارنے والا شعیب ملک اورثانیہ مرزا کا نوبہتا جوڑا کراچی سے ہوتا ہوا اسلام آباد پہنچ گیا ہے۔

default

دونوں نے اس موقع پرمیڈیا سے براہ راست بات نہیں کی البتہ ٹیلی ویژن کیمروں میں محفوظ کی گئی تصاویر کے مطابق ثانیہ نے پاکستان آمد کے موقع پر سرخ و سبز رنگ کا لباس جبکہ ملک نے نیلی جینز اور سبز ٹی شرٹ پہن رکھی تھی۔

کراچی کے ہوائی اڈے پر دونوں کے پرستار بڑی تعداد میں موجود تھے جہاں بعض خوش آمدی بینرزپر’پاکستان کی بہو، وطن آنے پر خوش آمدید‘ لکھا تھا۔ دونوں کو دیکھنے کے بیتاب پاکستانیوں کو کراچی میں دیدار نصیب نہیں ہوا کیونکہ نوبہتا جوڑا سلامتی کے کڑے حصارمیں اپنی اگلی منزل کی جانب پرواز کرگیا۔ اطلاعات کے مطابق دونوں کو سخت حفاظتی پہرے میں راولپنڈی کے ہوائی اڈے سے سرینا ہوٹل پہنچادیا گیا ہے۔

ملک اورمرزا کی جمہ کو صدر مملکت آصف علی زرداری اور وزیراعظم یوسف رضا گیلانی سے ملاقات بھی متوقع ہے۔

Tennisspielerin Sania Mirza

ثانیا کہہ چکی ہیں کہ دونوں شادی کے بعد دبئی میں رہیں گے اور کھیل کے میدان میں اپنے اپنے ملک کی نمائندگی جاری رکھیں گے

12 اپریل کو شادی کے بندھن میں بندھنے سے پہلے تک دونوں کو مختلف حلقوں کی جانب سے تندوتیز بیانات کا سامنا کرنا پڑا تھا تاہم اب دونوں ایک ہفتے تک پاکستان میں اپنی شادی سے جڑی خوشگوار تقریبات میں مصروف رہیں گے۔ شعیب ملک کے آبائی علاقے سیالکوٹ میں25 اپریل کو ولیمے کا اہتمام کیا گیا ہے۔ 27 اپریل کو لاہورمیں بھی اسی نوعیت کی تقریب کا اہتمام ہے۔ اس سے قبل ثانیہ مرزا کے ویزے کے لئے درخواست دائر کی جائے گی جبکہ 28 اپریل کو دونوں کی دبئی جا بسنے کی اطلاعات ہیں۔

پاکستانی ذرائع ابلاغ پرجمعرات کو ملک اورثانیہ کی آمد کا زیادہ چرچا رہا جبکہ وزیراعظم کی جانب سے توانائی کی بچت کے نئے منصوبے کے اعلان پر توجہ قدرے کم رہی۔

رپورٹ شادی خان سیف

ادارت عدنان اسحاق

DW.COM