1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

پاکستان کو دھمکی: اسلام آباد کا سخت رد عمل

چند روز قبل افغانستان سے اتحادی دستوں کے پاکستان میں مہمند ایجنسی کےقبائلی علاقے میں پاکستانی فوج کی ایک سرحدی چوکی پر کئے گئے خونریز حملے کے بعد سے دونوں ہمسایہ ملکوں کے مابین کشیدگی میں بظاہر اضافہ ہی ہوتا جارہا ہے۔

default

پاکستانی کمانڈوز ایک پریڈ کے دوران

فرانسیسی دارالحکومت پیرس میں افغستان کو امداد دینے والے ملکوں اور اداروں کی جو حالیہ بین الااقومی کانفرنس منعقد ہوئی، اس کی تفصیلات سے آگاہ کرنے کے لئے افغان صدر کرزئی نے اتوار کے روز کابل کے صدارتی محل میں صحافیوں سے جو گفتگو کی، اس میں طالبان کی مسلح مزاحمت کے مسئلے کو مرکزی اہمیت حاصل رہی۔

حامد کرزئی کا لہجہ غیر معمولی حد تک دھمکی آمیز تھا اور انہوں نے افغانستان میں دہشت گردی کا الزام پاکستان پر لگاتے ہوئے پاکستانی علاقے میں طالبان کے خلاف بھر پور فوجی کارروائی کی دھمکی بھی دی۔

حامد کرزئی کے اس موقف کو پاکستان نے سخت الفاظ میں مکمل طور پر رد کردیا ہے۔ پاکستانی وزیر اعظم یوسف رضا گیلانی نے خبردار کیا کہ پاکستان کسی کو بھی اپنے اندرونی معاملات میں مداخلت کی اجازت نہیں دے گا۔