1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

پاکستان کرکٹ: ٹی ٹوئنٹی سکواڈ میں تنویر شامل نہیں

پاکستان نے اپریل اور مئی میں کھیلے جانے والے آئی سی سی ٹوئنٹی ٹوئنٹی ورلڈ کپ کے لئے تیس رکنی عبوری سکواڈ کا اعلان کر دیا ہے۔ راولپنڈی ایکسپریس شعیب اختر اور آل راوٴنڈر سہیل تنویر کو اس سکواڈ میں جگہ نہیں ملی ہے۔

default

سہیل تنویر کو عبوری سکواڈ میں شامل نہیں کیا گیا ہے

Shoaib Akhtar, Pakistan

متنازعہ فاسٹ بولر شعیب اختر کو بھی ٹی ٹوئنٹی کے عبوری ورلڈ کپ سکواڈ میں جگہ نہیں ملی ہے

تیس کھلاڑیوں پر مشتمل اس عبوری فہرست میں سات ایسے کھلاڑی شامل ہیں، جنہوں نے اب تک کسی بھی بڑے بین الاقوامی ٹورنامنٹ میں حصہ نہیں لیا۔

اگرچہ پاکستان کرکٹ بورڈ ’پی سی پی‘ نے سابق کپتان وقار یونس کو قومی ٹیم کا کوچ بننے کی پیشکش کردی ہے تاہم فی الحال ٹی ٹوئنٹی فارمیٹ کے لئے کسی بھی کھلاڑی کو کپتان مقرر نہیں کیا ہے۔ اس وقت ایسی قیاس آرائیاں زوروں پر ہیں کہ عبدالرزاق کو ٹی ٹوئنٹی فارمیٹ کے لئے پاکستان کرکٹ ٹیم کا کپتان مقرر کیا جا سکتا ہے۔ پاکستان اس سال ٹی ٹوئنٹی ورلڈ کپ ٹورنامنٹ میں اپنے اعزاز کا دفاع کر رہا ہے۔

پاکستان کے عبوری سکواڈ میں شامل کھلاڑیوں کے نام:

شعیب ملک، سلمان بٹ، عمران فرحت، عمران نذیر، محمد حفیظ، خالد لطیف، شاہ زیب حسن، عمر اکمل، نوید یاسین، حسن رضا، کامران یونس، مصباح الحق، بابر اعظم، عبدالرزاق، شاہد آفریدی، یاسر عرفات، حماد اعظم، رانا نوید الحسن، عمر گُل، محمد آصف، وہاب ریاض، محمد سمیع، محمد عامر، سعید اجمل، رضا حسن، عبدالرحمٰن، کامران اکمل، سرفراز احمد، فواد عالم اور ذوالقرنین حیدر۔

رپورٹ: گوہر نذیر گیلانی

ادارت: شادی خان سیف