1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

پاکستان نے آئر لینڈ کو شکست دے دی

پاکستان نے آج اوول کے میدان پر ٹوئنٹی ٹوئنٹی ورلڈ کپ کے سپر ایٹ مرحلے کے ایک اہم میچ میں آئرلینڈ کو 39 رنز سے شکست دے کر سیمی فائنل تک اپنی رسائی کے امکانات کو روشن کردیا ہے۔

default

پاکستان نے اس میچ میں کامیابی کے بعد سیمی فائنل تک رسائی کے امکانات کو روشن کر لیا ہے

ٹاس جیت کر پہلے کھیلتے ہوئے پاکستان نے مقررہ بیس اوورز میں وکٹ کیپر بیٹسمین کامران اکمل کی نصف سنچری اور شاہد آفریدی کی جارحانہ بیٹنگ کی بدولت پانچ وکٹوں کے نقصان پر 159 رنز بنائے۔ آئرلینڈ کی ٹیم 160رنز کے ہدف کا تعاقب کرنے میں ناکام رہی اور نو وکٹوں پر محض 120رنز ہی بناسکی۔ پاکستان کی طرف سے آف سپنر سعید اجمل نے چار اور فاسٹ بولر عمر گل نے دو وکٹیں حاصل کیں۔

کامران اکمل کو ان کی شاندار بیٹنگ کارکردگی کے لئے ’مین آف دی میچ‘ قرار دیا گیا۔

آئرلینڈ کے کپتان ڈبلیو پورٹرفیلڈ نے اچھی بیٹنگ کا مظاہرہ کرتے ہوئے 40 جبکہ کے برائن نے 26 رنز بنائے۔ ان دو کھلاڑیوں کے علاوہ کوئی بھی آئرش بیٹسمین خاطرخواہ کارکردگی دکھانے میں کامیاب نہیں ہوسکا۔

عمر گل نے اپنی شاندار بولنگ کا مظاہرہ جاری رکھتے ہوئے چار اوورز میں 19 رنز کے عوض دو کھلاڑیوں کو آوٴٹ کیا۔ عمر گل نے نیوزی لینڈ کے خلاف میچ میں چھہ رنز کے عوض پانچ وکٹیں حاصل کرکے ٹوئنٹی ٹوئنٹی کرکٹ میں نیا عالمی ریکارڈ قائم کیا تھا۔ دفاعی چیمپئن بھارت پہلے ہی ٹورنامنٹ سے باہر ہوچکا ہے۔

رپورٹ : خبر رساں ادارے، ادارت : گوہر نذیر گیلانی