1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

فن و ثقافت

پاکستان میں سیلاب زدگان کی مدد کے لئے آسٹریا میں کنسرٹ

پاکستانی سیلاب زدگان کے لئے امدادی رقوم جمع کرنے کی خاطر آسٹریا کے زالسبرگ فیسٹیول میں خصوصی کنسرٹ کا اہتمام کیا جا رہا ہے، جس کے لئے ٹکٹوں کی فروخت پیر سے شروع ہو گئی ہے۔

default

روسی سپراسٹار سوپرانو انا نیٹریبکو

یہ کنسرٹ رواں ہفتے جمعرات زالسبرگ کے ہاؤس فویئر موزارٹ تھیٹر میں ہوگا۔

آسٹریا کے شہر زالسبرگ میں منعقد کئے جانے والے اس کلاسیکی موسیقی کے معروف فیسٹیول کے منتظمین کا کہنا ہے کہ پاکستان کے متاثرین سیلاب کے لئے رکھے گئے خصوصی کنسرٹ کی مرکزی پرفارمر روسی سپراسٹار سوپرانو انا نیٹریبکو ہوں گی۔

اس گالا پرفارمنس میں نیٹریبکو کے ساتھ متعدد دیگر ستارے بھی زالسبرگ فیسٹیول کے اسٹیج پر جلوہ گر ہوں گے، جن میں یوروگوائے سے تعلق رکھنے والے ان کے پارٹنر ایروِن شروٹ بھی شامل ہیں۔

اس حوالے سے ٹکٹوں کی فروخت پیر سے شروع ہو گئی ہے۔ منتظمین کے مطابق فی ٹکٹ قیمت 40 سے 280 یورو تک مقرر کی گئی ہے۔ ٹکٹوں کی فروخت سے حاصل ہونے والی رقم پاکستان میں سیلاب سے متاثرہ کے لئے مختص ہوگی۔

Pakistan Flutkatastrophe

پاکستان میں انگلینڈ کے برابر رقبہ سیلاب سے متاثر ہوا

پاکستان کو تاریخ کے بدترین سیلاب کا سامنا ہے، جس سے دو کروڑ افراد متاثر ہیں جبکہ متاثرہ رقبہ انگلینڈ کے برابر ہے۔ اقوام متحدہ اس قدرتی آفت کو انسانی تاریخ کا المناک واقعہ قرار دیے جا چکی ہے۔ یہ بھی کہا جا رہا ہے کہ حالیہ تاریخ میں اس قدر بڑے پیمانے پر تباہی نہیں دیکھی گئی۔

رپورٹ: ندیم گِل

ادارت: عاطف بلوچ

DW.COM

ویب لنکس