1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

پاکستان ميں ٹرين حادثہ، چھ افراد ہلاک ڈيڑھ سو زخمی

پاکستانی صوبہ پنجاب کے شہر ملتان ميں ايک ايکسپريس ٹرين ایک کارگو ریل سے ٹکرا گئی، جس کے نتيجے ميں کم از کم چھ افراد ہلاک اور ڈيڑھ سو ديگر زخمی ہو گئے۔

جرمن خبر رساں ادارے ڈی پی اے نے حکام کے حوالے سے بتایا ہے کہ يہ حادثہ بدھ کی رات گئے اس وقت پش آیا، جب کارگو ٹرين کے ڈرائيور نے ٹريک پر ریل روکی۔ مقامی ذرائع ابلاغ پر نشر کردہ رپورٹوں کے مطابق ايک شخص ٹريک پر خود کشی کرنے کی کوشش ميں تھا اور ٹرين سے ٹکرا گيا، جس سبب اس ٹرين کے ڈرائيور نے ٹرين کو روک ديا۔

اسی ٹريک پر ايک ايکسپريس ٹرين بھی آ رہی تھی جو اس کارگو ٹرین سے ٹکرا گئی، جس کے باعث مسافر ٹرين کی چار بوگياں الٹ گئيں۔ اب تک ملنے والی اطلاعات کے مطابق اس حادثے ميں چھ افراد ہلاک اور ڈيڑھ سو ديگر زخمی ہوئے ہيں۔ بتايا جا رہا ہے کہ زخميوں ميں سے دس کی حالت نازک ہے۔ مقامی ذرائع ابلاغ پر ايسی اطلاعات بھی ہيں کہ عيدکے سبب ايمرجنسی سروسز جائے حادثہ پر تاخير کے ساتھ پہنچيں۔