1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

پاکستان اور ویسٹ انڈیز کے درمیان میچ جاری

ابو ظہبی میں پاکستان اور ویسٹ انڈیز کے مابین کھیلے جانی والی تین ایک روزہ میچوں کی سیریز کا تیسرا اورآخری کرکٹ میچ آج کھیلا جا رہا ہے۔

default

پاکستانی ٹیم سیریز تین صفر سے جیتنا چاہتی ہے

پاکستان نے اس میچ میں اپنی اننگز میں چھ کھلاڑیوں کے نقصان پر پچاس اوورز کھیلتے ہوئے دو سو تہتر رنز بنائے جس میں محمّد یونس کی شاندار سینچری بھی شامل ہے۔ آخری اوورز میں مصبح الحق نے شاندار بیٹنگ کا مظاہرہ کیا اور وہ اناسی رنز پر ناٹ آؤٹ رہے۔ پاکستان اس سیریز کے پہلے دو میچ جیت کر سیریز میں حتمی کامیابی حاصل کر چکا ہے۔ آج کے میچ میں پاکستان نے ٹاس جیت کر پہلے بیٹنگ کرنے کا فیصلہ کیا ہے۔ شعیب اختر زخمی ہونے کے باعث آج کا میچ بھی نہیں کھیل سکے۔

Tennisspieler Novak Djokovic Serbien

سربیا کے نوواک ڈوکووچ


ادھر ٹینس میں عالمی نمبر تین سربیائی کھلاڑی نوواک ڈوکووچ نے اپنا پہلا ٹینس ماسٹرز کپ جیت لیا ہے۔ شنگھائی منعقدہ اس ٹورنامنٹ کے فائنل میں ڈوکووچ نے روسی کھلاڑی نکولے ڈیوی ڈینکو کو چھ ایک اور سات پانچ سے ہرا دیا۔ دفاعی چیمپیئن اور عالمی نمبر دو کھلاڑی راجرر فیڈرر ٹورنامنٹ کے سیمی فائنل سے قبل ہی اپنا میچ اسکاٹ لینڈ کے اینڈی مرّی سے ہار گئے تھے۔ عالمی نمبر ایک رافائل ندال زخمی ہونے کے بعد ٹورنامنٹ سے دست بردار ہو گئے تھے۔