1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

پاکستان اور جنوبی افریقہ: دوسرا ٹیسٹ میچ کا پہلا دن

پاکستان اورجنوبی افریقہ کے درمیان دوسرے ٹیسٹ کے پہلے دن جنوبی افریقی بلے بازوں نے عمدہ کھیل پیش کر کے اسے اپنے نام کر لیا ہے۔ میچ کے پہلے دن دو ٹاپ جنوبی افریقی بلے باز سینچریاں بنانے میں کامیاب ہوئے۔

default

خلیجی ریاست ابو ظہبی کے شیخ زید سٹیڈیم میں پاکستانی کرکٹ ٹیم کے کپتان مصباح الحق نے ٹاس جیت کر جنوبی افریقہ کی کرکٹ ٹیم کو پہلے کھیلنے کی دعوت دی۔ پاکستانی ٹیم میں دوسرے ٹیسٹ میچ کے لئے دو نئے کھلاڑیوں کو شامل کیا گیا۔ زخمی وہاب ریاض کی جگہ تنویر احمد اور آؤٹ آف فارم عمر اکمل کی جگہ اسد شفیق کو ٹیسٹ کیپ دی گئی۔

تنویر احمد نے پہلے ٹیسٹ میچ میں ہی ایک طرح سے ہلچل مچا دی۔ جنوبی افریقہ کے ابتدائی تین کھلاڑیوں کو تینتیس کے سکو پر پیویلئن روانہ کردیا۔ بعد میں کالیس اور ڈویلیئر کے درمیان 179 رنز کی شراکت نے جنوبی افریقی ٹیم کو سلامتی فراہم کی۔ کالیس نے 105 رنز بنائے۔ پہلے دن کے کھیل کے اختتام پر جنوبی افریقہ کی ٹیم نے پانچ کھلاڑیوں کے آؤٹ ہونے پر 311 رنز بنائے تھے۔ اے بی ڈویلیئر بھی ناٹ آؤٹ سینچری بنا چکے ہیں۔

پاکستانی کرکٹ ٹیم کے کپتان مصباح الحق کا کہنا ہے کہ اگر ٹیم اپنی صلاحیتوں کو بروئے کار لائے، تو جنوبی افریقہ کو ہرانا ناممکن نہیں ہوگا۔ ان کا کہنا تھا کہ وہ ٹیسٹ اور سیریز جیت کر وطن واپس لوٹنا چاہتے ہیں۔ وہ کہتے ہیں کہ دبئی ٹیسٹ میں فاتحانہ ڈرا سے ٹیم کے حوصلے بلند ہوئے ہیں اور تمام کھلاڑی جنوبی افریقہ کے خلاف دوسرا ٹیسٹ جیت کرسیریز اپنے نام کرنا چاہتے ہیں۔ شیخ زید سٹیڈیم میں کھیلے جانے والے آج کے اہم ترین میچ میں پاکستان کی طرف سے دو نئے کھلاڑیوں کو ٹیم میں شامل کیا جائے گا۔

Graeme Smith, Kapitän der südafrikanischen Cricketmannschaft

گریم سمتھ: جنوبی افریقی ٹیم کے کپتان

پاکستان اور جنوبی افریقہ کے درمیان اب تک مجموعی طور پر سولہ ٹیسٹ میچز کھیلے گئے ہیں، جن میں سے تین میں پاکستان اور آٹھ میں جنوبی افریقہ کامیاب رہا ہے جبکہ آج تک کھیلے گئے پانچ ٹیسٹ میچز ہار جیت کے بغیر ختم ہو گئے۔

آخری مرتبہ 2007 ء میں جنوبی افریقہ نے دورہء پاکستان کے موقع پر دو ٹیسٹ میچز کی سیریز کھیلی تھی، جس میں جنوبی افریقہ کو ایک صفر سے برتری حاصل رہی تھی۔

پاکستانی کپتان مصباح الحق کا کہنا ہے کہ جنوبی افریقہ کی ٹیم بے حد مضبوط ہے اوراسے ہرانے کے لئے تینوں شعبوں میں محنت اور صلاحیت سے بڑھ کرکارکردگی دکھانا ہوگی۔

رپورٹ : عابد حسین⁄ امتیاز احمد

ادارت : عاطف توقیر

DW.COM

ویب لنکس